Ég er snákur!

Samkvæmt kínverska dagatalinu þá er ég snákur! Snákurinn er hrifinn af lífsins listisemdum og ferskar hugmyndir og góðar rökræður örva hann. Hann hefur hæfileika til að skoða allt frá öllum hliðum og á auðvelt með að taka ákvarðanir. Snákurinn á erfitt með að fyrirgefa og gleymir aldrei. Bit hans er yfirleitt banvænt.

Sjáið þið mig ekki fyrir ykkur bítandi. Grrrr...!

Ég þoli ekki....

- Ég þoli ekki sunnudaga. Þá er svo stutt í mánudaga.

- Ég þoli ekki að mega ekki velta mér á hina hliðina og halda áfram að sofa þegar það er stormur úti. Mér finnst að svoleiðis dagar ættu bara að vera svona löggiltir frídagar.

- Ég þoli ekki uppvask. Ég vaska upp og vaska upp en samt er alltaf eitthvað dót í vaskinum. Vill einhver skipta á tölvu og uppþvottavél?

- Ég þoli ekki rifrildi. Ég er svo léleg að rífast. Fæ bara magapínu ef ég sé einhver fyrrverandi rifrildi sem ég hefði viljað hakka í mig. Er samt með tilbúna eina geggjaða ræðu næst þegar ég mæti einni kvennsu. Mun þylja hana upp eins og ártölin í landafræðiprófinu árið ´88.

- Ég þoli ekki ryk. Ég þoli ekki sand. Ég þoli ekki hár. Ég þoli ekki drullu. Ég elska samt kisuna mína þó hún beri mér þennan ósóma alla daga ;)

-Ég þoli ekki frost og kulda. Ég þoli ekki hálku. Ég þoli ekki að skórnir mínir virki eins og skautar í hálkunni, þyrfti að kaupa mér mannbrodda. Mig langar að fara til útlanda, jafnvel bara flytja eitthvert þar sem frostið bítur mann ekki í puttana.

-Ég þoli það ekki að vera búin að týna geggjuðu, flottu, svörtu húfunni minni. Kann ekki við það biðja mömmu Mundu að prjóna aðra fyrir mig. Kannski ég reyni að gera það sjálf.

-Ég þoli ekki kirkjuklukkurnar sem vakna á undan venjulegu fólki....grrrrrrrrrr!

Upptalning!

Cilit Bang er mikið auglýst núna. Ég er alveg að falla fyrir því að kaupa þetta töfraefni sem dugar á erfiðar matarslettur, brennda fitu, erfiða fitubletti og önnur fituvandamál. Allir sem lesa þetta hljóta að sjá sömu kosti og ég. Það hlýtur að vera hægt að baða þig í þessu blessaða efni og simsalabimm öll fituvandamál eru úr sögunni!!! Skrýtið að íslenska þjóðin sé ekki búin að fatta þetta.

Ég þoli ekki póstkassann minn. Póstkassinn minn hefur þann leiða ávana að fyllast annan hvern dag. Greinilegt að ég er eina fréttanördið í stigaganginum mínum því það eru alltaf allir póstkassar tómir nema minn sem gubbar einhverjum bleðlum sem engin nennir að lesa. Finnst geðveikt að hafa blaðagáminn svona nálægt. Ég labba bara þangað til að henda þessu rusli. Mig vantar stærri póstkassa! og ekki segja þú getur sett miða og frábiðja þér ruslpóst!! Mér finnst Birta nefnilega skemmtileg og safna öllum litabæklingum fyrir skólann. Þyrfti að setja miði sem segði: ég vil allt nema Fréttablaðið og Blaðið! Skyldi það vera hægt?

Bíllinn minn er bensínlaus á planinu hjá mér. Búin að keyra tvo daga á gufunum og er að vonast til að geta keyrt þannig á mánudaginn líka. Það er svona þegar launagreiðandinn getur ekki reiknað hvað tveir plús tveir eru. Ég veit ekki hvað ég geri ef þessir silakeppir borga mér ekki rétt laun um næstu mánaðarmót. Ég get svarið það ég held að þá missi ég hreinlega og endanlega þolinmæðina!

Í næstu viku er vetrarfrí í skólanum hjá mér. Hvernig haldið þið að ég ætli að fagna fyrsta degi þessa frítíma? Jú, jú ég ætla að vakna klukkan 6:30 og fara í leikfimi. Hefði verið kúl ef námskeiðið hefði byrjað viku seinna…..gad dem!

Íslenskir karlar deyja fyrr og verða feitari með hverju ári sem líður. Á síðustu tíu árum hefur þróunin þróast (vel að orði komist) á þennan veg. Á sama hátt eru íslenskar konur að verða grennri og lifa enn lengur. Við erum sem sagt gellurnar í okkar samfélagi. Svo er mikið rætt um of þung börn. Ég hef verið mikið í kringum börn. Það var árið sem ég var 17 ára sem ég byrjaði að þjálfa frjálsar íþróttir, þar voru flottir krakkar. Í dag eru börnin náttúrulega lifibrauðið svo rannsóknarefnin eru nálæg. Satt að segja get ég ekki verið sammála því að mörg börn í dag séu of þung. Á þessum árum get ég talið á fingrum annnarar handar þau börn sem höfðu aukafarangur að bera. Að skoða hreyfiþroskann leiðir annan sannleika í ljós og þar sér maður gríðarlegan mun. En þyngd hjá ungum börnum er vandamál sem krakkagreyin geta stjórnað. Offita barna er náttúrulega bara vandamál foreldranna sem gefa því að borða. Get ekki ímyndað mér gatið sem kemur á sál sex ára barns sem fær að heyra það að það sé of feitt. Úfff þar verður erfitt að setja plástur.

Ég og Gugga máluðum bæinn rauðan í dag. Eða kannski öllu frekar bláan því mér finnst blár svo flottur. Við fórum á nokkra mannmarga staði. Svei mér þá ef jólaskapið lét á sig kræla. Verst hvað hausinn var þunnur. Held ég hafi aldrei drukkið eins mikið hvítvín og í gær, þetta voru ansi mörg glös. Ég og Gugga enduðum svo bara undir teppi heima hjá henni og Janus lagði sig í nokkrar mínútur. Vaknaði með spennu í nefinu og púkasvip á Gugganum. Ég mun hefna mín ;)

Ég fékk allt í einu þá hugdettu að tengja fartölvuna við netið í staðinn fyrir að ræsa gamla garminn. Ég segi það satt að ég var ekki búin að láta mér detta það í hug fyrr en núna. Kannski þarf ég að vera þreytt og þunn til að fá góðar hugmyndir? Hmmmm?

Bangsi og fleira!

Í dag 27. október er Alþjóðlegi bangsadagurinn. Teddy bear sem fékk nafnið eftir Roosevelt forseta Bandaríkjanna er eitt vinsælasta og langlífasta leikfang sem framleitt hefur verið. Ég fór með stóra bangsann minn í skólann, bangsa sem ég fékk þegar ég var lítil man ekki nákvæmlega hvaðan ég fékk bangsann né heldur hvort hann hafi einhvern tíma borið eitthvað nafn annað en bangsi. Flest börnin komu með bangsa líka og þeir sem ekki komu með bangsa bauluðu yfir því aðhafa gleymt bangsa…veröldin er stundum bara svo ósanngjörn!!!! Þetta var skemmtileg tilbreyting!

Á morgun er svo 28. október. Þann merkisdag á litli stóri frændi minn afmæli. Árni Þór er að verða fimm ára gamall gutti. Á leið í skóla í haust J

Horfði allt of lengi á sjónvarpið í kvöld, er með hálsríg og allar græjur eftir þetta kvöld. Sat við og bætti tengikrókum í 13 bækur af Skrift 1. Alveg magnað að þurfa að gera þetta aftur og aftur. Maður mundi nú ætla að hægt væri að smella krókunum í bækurnar áður en ný prentun færi í smiðjuna. Eftir að hafa bætt krókum í um það bil 60 eintök af Skrift 1 myndi ég jafnvel bjóðast til þess að bæta þeim við fyrir ekki neitt. Bara svo ég þurfi ekki að gera þetta næst þegar ég verð að kenna fyrsta bekk. Magnaður anskoti af hafa fyrstu skriftarbókina með letri sem ekki er verið að kenna börnunum!

Mér leist vel á hugmyndina sem ég heyrði í Ísland í dag í kvöld. Að það yrði sett eitthvað kennimerki í ökuskírteini hjá þeim sem myndu vilja láta nota sig í varahluti þegar sálin hefur komist á betri stað. Mér finnst þetta frábær hugmynd því ég held að Íslendingar hafi ekki rænu á að fara sjálfir og fylla út eitthvað blað. Betra að hafa þetta svona. Segi ykkur hér með að minn strokkur fer beint á varahlutamarkað þó fyrir utan það að mér þykir óskaplega vænt um augun mín.

…og það líður að helgi. Á morgun ætlum við Seljurnar þ.e. gellurnar í Sæmundarseli að hittast og smakka smá áfengi og skola því niður með fiskisúpu. Verður án vafa skemmtilegt. Síðan er stefnt að Sveinsínudegi/kvöldi á laugardaginn. Reyndar vorum við Gugga bara að ákveða það áðan svo staður og stund er ennþá opin til umsóknar. Spáir einhverju leiðindaveðri svo ætlum við endum ekki á því að nudda tærnar á hver annarri J Auglýsi hér með eftir áhugasömum Sveinsínum sem vilja nýta það einstaka tækifæri að fá að nudda á mér tærnar.

Á mánudag hefst svo alvara lífsins – námskeið í Hreyfingu – róttækra aðgerða þörf, skal ég segja ykkur. Ég og Gugga og Guðbjörg úr vinnunni minni ætlum að vera úber duglegar og fara í leikfimi klukkan hálf sjö á morgnana. Veit ekki hvernig fer fyrir Janusi kellogs morgunhana sem er þekktur fyrir flest annað en að vera hress á morgnana!!!!

Í næstu viku er svo vetrarfrí. Miðvikudag, fimmtudag og föstudag og samstarfsdagur á mánudaginn þar á eftir….þýðir sem sagt whole lot of bedtime Jei!

Later…………..!

Skiptir útlitið máli?

Ég fór í Bónus í gær mest vegna þess að kötturinn var búin að borða fisk í tvo daga. Ekki að kisi hafi kvartað en...kattamatur er samt hentugri fyrir hárvöxt og betri fyrir götóttar buddur.

Ég arkaði þarna um Bónus og týndi alls kyns þarfa/óþarfa í körfuna hjá mér. Að lokum var bara eitt eftir á listanum. Það var túnfiskur í niðursuðudós. Ég vil bara eina tegund af túnfisk Ora í vatni og ekkert annað! Hef reynt aðrar tegundir en þær eru bara ekki eins góðar. En það var meira en að segja það, nokkrar “vondar” tegundir af túnfisk en hvergi var Ora-fiskinn minn að sjá. Að lokum áttaði ég mig á því að það er búið að skipta um umbúðir á túnfiskinum mínum. Hann er komin í öðruvísi niðursuðudós!!!! Hann hefur verið dottinn úr tísku.

Á leiðinni að kassanum í Bónus kom ég svo auga á nýtt nammi. Gerði þau mistök að fara svöng í Bónus. En alla vega, þarna sá ég heilan stand af nýju nammi!! En þegar betur var að gáð, var þetta ekki nýtt nammi aðeins gamli góði Opal í nýjum fötum. Meira að segja með svona leiðbeiningum um þessi röndótti væri í raun gamli rauði!!!

Ég spyr því skiptir útlitið máli? Er það ástæðan fyrir því að framleiðendur eru að skipta um umbúðir á gömlu góðu vörunum? Detta umbúðir úr tísku? Eða erum við svona dofin að við höldum að við séum að kaupa eitthvað nýtt þegar umbúðirnar eru á annan hátt? Skyldi fólk kaupa meira Ópal af því að fötin eru ný?

Enginn vill sjálfsagt viðurkenna að útlit maka skipti máli í valinu stóra og endalausa. Myndi maður frekar falla fyrir einhverjum sem væri í nýjum fötum, frekar en þeim sem arfleiddu fötin af afa? Eða hvað?

Alla vega brunaði ég heim með Ora-túnfiskinn minn í nýju dósinni sannfærð um að ég væri ekki að kaupa neitt verri eða betri fisk þrátt fyrir ný föt.

Fór á flugvöllinn í gærkvöldi og viti menn upp úr krafsinu hafði ég enn eina snilldar-seríuna af Friends. Jei! Ég er því að fara heim og gróðursetja mig í sófann. Verið þið velkomin J

Góða stundir.

Kvennafrídagur!

Ég sat með börnunum mínum tuttugu í krók í morgun og notaði tækifærið í tilefni dagsins til að ræða um konur. Þurfti að byrja á því að árétta það að ég væri ekki eina konan í herberginu því allar stelpurnar væru konur líka og þetta væri þeirra frídagur alveg eins og minn. Við ræddum svo um tengda hluti eins og t.d. húsmæðraorlof og laun. Fékk meira að segja spurninguna ,,hvað eru laun?" Gaman að þessu. Börnunum fannst þetta sniðug tilbreyting að hafa svona kvennafrídag. Í lokin var svo einn sem spurði ,,hvenær er svona strákafrídagur?" Það er náttúrulega ferlega fúlt að vera karlkyns....stundum.

Það er nú hálfbjánalegt að ganga út klukkan 14:08 þegar börnin eru búin í skólanum klukkan 13:55. Þetta var því meira að ganga svona út frá sjálfum sér því undirbúningin er ekkert hægt að setja á hold - ég vann hann á sunnudaginn og klára í hádeginu á morgun. Hefði þurft að leggja af stað klukkan 13:08, miða bara við karla sem eru með eins há laun.

Kröfugangan í dag vakti upp minningar um kröfugöngu kennara, þá var heldur betur hugur í manni og konu. Núna var það bara í konu. Eða stelpum. Áfram stelpur!!

og já! Laugardagurinn var alveg magnaður. Ég og Inga gengum Heiðmörk þvera og endilega í geggjuðu veðri, horfðum svo á Evróvisíon (svo ég tali eins og þulurinn) drukkum slatta af rauðu víni og máluðum svo bæinn rauðan. Voðalega eitthvað rauðar þennan dag. Maður bara skreiddist heim um miðjan morgun, eða bara morgun.

Skokkið!

Ég var að skokka. Úti var stillt veður. Það var nístingskalt. Þegar ég hljóp myndaði andardrátturinn hvít ský allt í kringum mig. Það var dauðaþögn, eina hljóðið sem heyrðist var þegar fætur mínir lentu á jörðinni. Það var myrkur. Smá skíma frá götuljósum hinum megin í Voginum og tunglsljósið baðaði allt sérkennilegri blárri birtu.

Allt í einu heyri ég eitthvað, ég sný höfðinu í átt að hljóðinu og þá sé ég upp í ginið á einhverri hræðilegri skepnu sem stekkur á mig. Rétt áður en skepnan læsir beittum tönnunum í mig...............hrekk ég upp. Ég ligg í rúminu í svitabaði. Þetta var víst bara vondur draumur. Hver er góður að ráða drauma?

Og loksins, lokins langþráð prinsessa. Margrét Lin vertu velkomin í fjölskylduna. Þú ert ekkert smá heppin ung stúlka.

Ég ætla að bíða....og hana nú!

Ánægjulegt að sjá hvernig "ekki drekka áfengi samtök" hafa breytt um stíl. Nú eru þeir hættir að predika um það unglingar eigi ekki að drekka, aldrei. Heldur segja bara "ég ætla að bíða". Þar fara hvort sem er flestir að drekka á einum eða öðrum tímapunkti hvort sem "ekki drekka áfengi samtök" predika eða ekki. Ég held hreinlega að þetta sé betri leið. Ég fór sjálf ekki að drekka að ráði fyrr en um tvítugt og finnst ekki vera neitt verri manneskja fyrir vikið.

Óhugnalegt að sjá myndbandið úr miðbænum um helgina, fegin er ég að þekkja bara eina löggu! Að hugsa sér að löggan þurfi að snúa menn niður og liggur við berjast við að halda fólkinu í burt svo hægt sé að hjálpa slösuðum - sem í þessu tilviki leit mjög illa út þarna liggjandi í blóðpolli. Ég vona samt að íslenska löggan fari nú ekki að bera vopn og fannst mér löggan sem talað var við vera algjörlega á móti því. Það væri nú alveg til að kóróna ástandið í miðbænum.

Á samt til með að segja ykkur sögu sem ég heyrði um daginn. Sel hana ekki dýrari en ég keypti hana en....svona var hún einhvern veginn. Löggan á Selfossi var kölluð að skemmtistað þar sem slagsmál höfðu brotist út. Tveir menn voru að slást og löggurnar fjórar sem mættu á staðinn tóku að sér sitt hvorn slagarann. Annar gaurinn róast strax en hinn er mjög æstur. Löggurnar sáu því þann kost vænstan að nota úða til að róa hinn æsta niður. Alla vega önnur löggan stendur á bakvið þann æsta og nær að halda honum þannig, hin löggan beinir úðanum að andliti hins æsta, hann er fljótur að hugsa og beygir sig frá og svúfff úðinn fer beint í andlitið á löggunni sem stendur á bakvið....tíhí! Klaufalegt finnst ykkur ekki? Aukaatriði en löggan sem sprautaði var kvenkyns, og hefði úðinn ekki endað framan í hinni löggunni þó svo hinn æsti hefði ekki beygt sig undan?

Eníhú! Haldiði að ég hafi bara ekki fundið þennan glæsilega malarstíg hérna rétt hjá mér! Skil ekki hvernig fólk getur skokkað á hverjum degi á þessu endalausa malbiki. Ég get svarið það að ég var komin með verki í hálsinn eftir lengstu hlaupatúrana. Á malarstígunum er hægt að hlaupa lengra...óóó já!

Ekki það að mér finnist eitthvað leiðinlegt að fá alls konar hugmyndir um lausn á prinsessu málinu sem nota bene....engin hafði rétt fyrir sér...þá er svarið svona beint frá USA......

....Stúlkan sá þegar kóngurinn setti tvo svarta steina í pokann og vitandi það að hún gæti ekki komist hjá því að draga stein úr pokanum sá hún að eini möguleikinn hjá henni væri að draga svartan stein. En á þann stein ætlum við ekki að horfa í þessu svari. Það er augljóst að steinninn sem hún dregur er svartur.

En... steinninn sem eftir er í pokanum er líka svartur. Stúlkan dregur einn svartan stein úr pokanum, heldur honum í lófanum án þess að sýna hann og biður kónginn um að sýna steininn sem eftir er í pokanum. Þegar kóngurinn tekur upp svartan stein, sjá hann allir og álykta að stúlkan haldi á hvítum steini og þurfi þar af leiðandi ekki að giftast kónginum.

Er þetta rökrétt eða ekki???

GÓÐUR?

Undankomuleið frá giftingu!!

Sá þetta á bloggrúnti mínum um daginn? finnst þetta alveg brilliant og hvet ykkur til að sýna þessu áhuga...finnum lausnina, jei, jei, jei!

Ég ætla að leggja fyrir ykkur smá gátu og ætlast til að þið náið að leysa hana án mikillar hjálpar. Svarið við gátunni er á þann hátt að það poppar allt í einu og fyrirvaralaust upp í hausnum á ykkur. Gátan er svona:

Kóngur einn í litlu smáríki var talinn vera frekar ófríður og almennt leiðinlegur maður en mjög klókur og brögðóttur. Kóngsi var langt kominn á fimmtugsaldurinn og hafði hann aldrei verið kvæntur og átti því engan erfingja. Hann ákvað einn daginn að efna til fegurðarsamkeppni og lofaði óvæntum verðlaunum. Verðlaunin voru því öllum óljós nema kóngsa.

Nokkrar fagrar stúlkur úr smáríkinu tóku þátt í keppninni og var sú fegusta valin úr þeirra hópi. Þegar komið var að verðlaunahátíðinni gekk kóngurinn á svið og tilkynnti að verðlaunin væru þau að nýkrýnda fegurðardrottningin yrði kvænast honum og verða drottning í ríkinu. Stúlkan varð fremur ósátt og greinilegt var að hún vildi ekki kvænast kónginum. Þetta sáu flestir íbúar smáríkisins sem höfðu safnast saman til að fylgjast með keppninni. Kóngurinn sá þetta líka og til að skapa ekki mikla óánægju meðal þegna hans sagði hann upphátt svo allir heyrðu að hann myndi gefa henni möguleika á að komast undan því að giftast honum. Það eina sem stúlkan þyrfti að gera væri að draga upp úr poka, einn stein af tveimur, annar svartur en hinn hvítur. Ef stúlkan veldi hvíta steininn þá myndi hún losna undan giftingunni en ef hún veldi svartan stein þá yrði hún að giftast honum. Stúlkan samþykkti þetta og kvað möguleika á að losna undan giftingunni nokkuð góða. Ekki vildi hún skapa óánægju hjá kónginum eða öðrum í ríkinu. Ákveðið var að steinavalið færi fram næsta dag í hallargarðinum en þar væru einmitt mikið af hvítum og svörtum steinum.

Daginn eftir voru margir mættir í hallargarðinn til þess að sjá þegar stúlkanveldi stein úr pokanum. Kóngurinn og stúlkan komu sér fyrir í miðjum garðinum en aðrir röðuðu sér þar í kring en pössuðu sig þó á að gefa þeim svigrúm.

Þegar kóngurinn beygði sig niður til þess að sækja tvo steina, sem áttu að vera hvítur og annar svartur, tók hann tvo svarta steina en engan hvítan stein. Eins og áður hefur komið fram þá er kóngurinn klókur og brögóttur. Með þessu ætlaði hann að tryggja það að hún giftist honum.

Stúlkan sá þetta og var frekar undrandi og vissi hún strax að kóngurinn væri að beita brögðum. Stúlkan var ekki síður klókari en kóngurinn og sá hún leið út úr þessari klemmu þannig að hún þurfi ekki að kvænast kónginum, jafnvel þó hún velji stein.

Þá er það spurningin? Hvernig losnar stúlkan undan giftingunni??

Stúlkan verður að draga stein úr pokanum.

Svarið kemur síðar. Ef þið hins vegar hafið spurningar látið þær koma fram í kommenti. Ef þið hafið svarið þá megið þið senda það í tölvupósti til mín á janapals@hotmail.com og ég mun svara til baka um það hvort þið hafið haft rétt fyrir ykkur?????

Myndir úr Foldinni

Í tilefni þess að geta downloadað úr myndavélinni minni aftur. Þá set ég hérna myndir úr nýju íbúðinni minni. Er að drukkna í verkefnum og hlakka til að komast í jólafrí.

Bestu kveðjur úr skólanum....ha! er skóli á laugardögum?

Maður að nafni Sigurður!

Ég fór í heimsókn í gær á Borgarspítalann. Á leið minni út af spítalanum eftir að heimsóknatíma líkur gjói ég augunum inn í stofurnar sem ég gekk fram hjá. Allt í einu er ég sem límd við gólfið, já það var eitthvað annað andlit sem ég þekkti á þessari deild.

Þar inni á stofunni sat Sigurður nokkur Guðjónsson, öðru nafni Siggi frændi. Siggi frændi er bróðir afa Egils og er eins og afi var, einn af þessum körlum sem maður hélt að tíminn myndi ekki buga. Ég stóð þarna nelgd á ganginum í smá stund og hugsaði með mér hvað ég ætti að gera. Ég ákvað svo að snúa við og æða inn á stofuna til Sigga. Ég sat þar í smástund og spjallaði við hann og reyndi að átta mig á því hvernig þessi maður gat verið orðin svona afskaplegt gamalmenni á svona stuttum tíma. Siggi var samt hress og sagði: þeir gera það sem þeir geta þessi læknagrey en það er ekki endalaust hægt að laga það sem bilað er. Þetta sagði hann eftir að hafa fengið tvö heilablóð á tveimur dögum. Svo spurði hann mig um hvernig gengi hjá fjölskyldunni og ég sem var í vafa um hvort hann myndi þekkja mig.

Ég man vel eftir Sigga frænda þegar ég var alast upp. Hann var sjómaður á skipi sem sigldi erlendis. Hann kom því oft með eitthvað svona nýtt og framandi gúmmulaði eða dót sem hann keypti í Ameríku eða öðrum álíka spennandi og langt í burtu löndum. Siggi frændi og Fríða áttu sjálf ekki börn og því vorum við afabörn Egils oft eins og barnabörnin hans. Siggi frændi var líka uppáhald hjá okkur öllum. Eins og klettur með sögur sem heilluðu mann upp úr skónum. Kom reglulega í heimsókn og sýndi öllu sem við bárum fyrir hann mikinn áhuga.

Á skírnardegi bróður míns gekk Siggi frændi til pabba míns á leiðinni inn í kirkjuna og sagði við pabba: mikið þætti mér nú gaman að fá nafna, og simsalabimm, ákvörðun var tekin presturinn látinn vita og Svanur sem átti að skíra eftir ljósmóðurinni Svanborgu sem bjargaði lífi hans fékk hið undurfallega nafn Sigurður Svanur, nefndur eftir ekki ómerkari manni en Sigga frænda. Hann ber það nafn með stolti sennilegast ómeðvitaður um hvers vegna hann hefur þetta nafn. Held ég að þetta hafi verið í fyrsta og eina skipti sem Siggi frændi bað um eitthvað fyrir sjálfan sig.

Á brúðkaupsdegi Sirrýar systur pabba fékk Siggi frændi það hlutverk að leiða hana upp að altarinu því ekki var afi minn lengur á þessari jörð til að sinna því hlutverki. Mátti varla á milli sjá hvort brúðurinn eða Siggi grétu stærri krókudílatárum. Sigríður og Sigurður, já það voru víst fleiri en Siggi Svanur sem nefndir voru eftir honum.

Vona ég að þessi pistill hljómi ekki eins og í minningargrein í Mogganum. Það á ekki að hljóma þannig því Siggi frændi hefur níu líf eins og kettirnar og ef við höfum talið rétt er hann með þessum tveimur áföllum aðeins búinn að nýta 50% þeirra.

Ég er ánægð með að hafa rambað þarna inn á stofuna til hans.

Stjörnuspá!!

Stjörnuspáin þvældist fyrir mér í Birtu meðan ég klippti tímaritið í sundur til að fá liti á forsíðuna á bókinni minni. Svona var spáin orðrétt:

Líf þitt á eftir að taka stórkostlegum breytingum í þessum mánuði og þú átt eftir að verða fyrir uppljómun sem varpar nýju ljósi á þýðingarmiklum hluta í lífi þínu og kemur öllu á réttan kjöl. Vertu móttækilegur og taktu þeim gjöfum sem himnarnir senda þér.

Hvað gerir maður þegar maður les svona línur. Ekki leggst maður og bíður eftir að samlokubrauð detti úr loftinu í hendurnar á manni. Hvað þýða svona spár? hver er það sem semur þær? og hversu margir lifa eftir svona spám?

Spárnar vísa náttúrulega flestar í ástina eða peninga, enda annars hefði enginn áhuga að á að lesa svona bull. Sá sem situr og semur svona spár er sennilega sjálfur einhleypur nú eða alveg vonlaus rómantíkus, hvort heldur fær hann/hún smá aura til að skrifa þessar línur.

En hverjir fara eftir svona spám. Ég á einn ónefndan kunningja sem fer reglulega til miðils og ef ekki fer að bóla á atvikum sem miðillinn nefnir innan nokkra vikna fer hann aftur til miðils því þá veit kunninginn ekki hvaða ákvarðarnir hann á að taka. Sem sagt ef miðilinn segir, ég sé að þú ert að fara til London, þá pantar hann flug til London þ.e. kunninginn ekki miðillinn. Er þá ekki á vissan hægt að segja að miðillinn stjórni lífi þessa kunningja. Úff ég ætti kannski að verða miðill og segja fólki, hei ég sé að þú styrkir kennara um alla lottó-peningana þínn…blink, blink. Ég fór reyndar til miðils síðasta vetur og hreifst mikið af orðum hans, þá aðallega því hvað hún gat sagt mér um fortíðina og hvernig ég ætti að snúa mér í samskiptum við undarlegt fólk sem herjaði á mig þeim tímapunkti og áður. Svo er alltaf gaman að taka í tarot, það er þó ekki tekið upp nema í mjög þröngum hópi þar sem allir hafa það markmið að hlægja. En hverjir fara eftir svona stjörnuspám? Gera kannski bara allir eins og ég og standa úti og hlaði og bíða eftir að samlokubrauð detti af himnum ofan, það væri nú magnað að fá svoleiðis hleif í hausinn! Ég ætti kannski frekar að biðja um vodkaflösku, það þyrfti ekki að spyrja að leikslokum ef ég fengi svoleiðis í hausinn.

Anyways….skemmtileg stjörnuspá sem tók óratíma að röfla um.

Lóvjúall…eða þannig sko.

Tilveran?

Titillinn á blogginu mínu...tilvera okkar ku vera undarlegt ferðalag. Lína úr þekktu dægurlagi er frá er talið þetta ku. Þessi eina lína segir okkur svo margt. Það er alveg öruggt mál að ekkert í þessari tilveru er hægt að panta fyrirfram. Maður verður alltaf pínulítið reiður þegar maður heyrir af fólki sem leikur sér að lífinu í alls kyns áhættuíþróttum eða öðru, aðrir reykja, éta eða drekka frá sér allt vit og leika sér þannig að sínu lífi. Svo er til fólk sem eignast börn og nennir ekki að hugsa um þau, er jafnvel bara jóllý með það að barnið á fóstuforeldri sem sinnir þeirra hlutverki svo það þurfi ekki að gera það sjálft

.......og svo er til þetta venjulega fólk sem fetar þennan gullna meðalveg.

Fer eftir tilmælum skaparans og dúllast í gegnum dagana án þess að skaða sig né aðra. Þessir einstaklingar eru þeir sem gera tilveruna ríkari. Samt finnst manni að oft sé það þetta fólk sem skaparinn ákveður að láta hafa meira fyrir hlutunum. Ég er svo reið inni í mér núna. Gæti alveg nefnt nokkra sem þyrftu að svara fyrir sínar gjörðir!!!!! En nei, ekki fáum við að hafa áhrif á þessar ákvarðanir.

Ó, ó, ó!!! En ég verð hér. Sendi þetta á réttan stað og lots of love with it. Þú ert hetja.

When you're down and troubled
And you need a helping hand
And nothing, whoa nothing is going right.
Close your eyes and think of me And soon I will be there.
To brighten up even your darkest nights.

You just call out my name,
And you know whereever I am
I'll come running, oh yeah baby
To see you again.
Winter, spring, summer, or fall,
All you have to do is call
And I'll be there, yeah, yeah, yeah.
You've got a friend.

If the sky above you
Should turn dark and full of clouds
And that old north wind should begin to blow
Keep your head together and call my name out loud
And soon I will be knocking upon your door.

You just call out my name,
and you know where ever I am
I'll come running to see you again.
Winter, spring, summer or fall
All you got to do is call
And I'll be there, yeah, yeah, yeah.

Hey, ain't it good to know that you've got a friend?
People can be so cold.
They'll hurt you and desert you.
Well they'll take your soul if you let them.
Oh yeah, but don't you let them.

You just call out my name
and you know wherever I am
I'll come running to see you again.
Oh babe, don't you know that,
Winter spring summer or fall,
Hey now, all you've got to do is call.
Lord, I'll be there, yes I will.
You've got a friend.

You've got a friend.
Ain't it good to know you've got a friend.
Ain't it good to know you've got a friend.
You've got a friend.


Í kvöld er stjörnubjart og norðurljósin dansa.

Sumarmynd

Ein mynd af mér og börnunum mínum í sumarbúðunum í sumar. Þessi mynd er tekin daginn áður en við fórum heim. Svona lítum við sem sagt út þegar við höfum ekki sofið í fjórar vikur :)

"Because Of You"

I will not make the same mistakes that you did
I will not let myself
Cause my heart so much misery
I will not break the way you did,
You fell so hard
I've learned the hard way
To never let it get that far

Because of you
I never stray too far from the sidewalk
Because of you
I learned to play on the safe side so I don't get hurt
Because of you
I find it hard to trust not only me, but everyone around me
Because of you
I am afraid

I lose my way
And it's not too long before you point it out
I cannot cry
Because I know that's weakness in your eyes
I'm forced to fake
A smile, a laugh everyday of my life
My heart can't possibly break
When it wasn't even whole to start with

Because of you
I never stray too far from the sidewalk
Because of you
I learned to play on the safe side so I don't get hurt
Because of you
I find it hard to trust not only me, but everyone around me
Because of you
I am afraid

I watched you die
I heard you cry every night in your sleep
I was so young
You should have known better than to lean on me
You never thought of anyone else
You just saw your pain
And now I cry in the middle of the night
For the same damn thing

Because of you
I never stray too far from the sidewalk
Because of you
I learned to play on the safe side so I don't get hurt
Because of you
I try my hardest just to forget everything
Because of you
I don't know how to let anyone else in
Because of you
I'm ashamed of my life because it's empty
Because of you
I am afraid

Because of you


Stundum segja dægurlagatextar allt

Þá er komið að því.....!

Hafið þið þurft að míga í saltan sjó eins og segir í máltækinu. Nú getið þið komið í heimsókn til mín og mígið í sjálft miðjarðarhafið, með skrautfiskum og sandströnd því setan er lögð af stað :) Nú verður bláa baðherbergið fullkomnað :)

Frá Selfossi!

Ákvað að eyða helginni á Selfossinu góða. Nokkrar ástæður eru fyrir því:

1. Hef ekki komið hingað síðan í 1. sept þegar ég flutti í bæinn (fyrir utan eina tónleika).

2. Bílinn þarfnaðist sérfræðikunnáttu karlpeningsins í fjölskyldunni, ætla ekki að segja ykkur frá aulaganginum í sjálfri mér...en bíllinn er í lagi núna ;) Að auki þurfti að koma undir hann negldum sokkum. Að auki notaði ég tækifærið og bónaði og skrúbbaði. Nú er hann bara gell-mobíl í gaddaskóm.

3. Afleiðingar síðustu helgar, úffff...gat ekki hugsað mér annað en rólegheit eftir það massa fyllerí sem tók hálfa vikuna að jafna sig af. Leiðinlegt þegar mistökin bíta mann svona í rassinn.

4. Foreldrarnir eru að fara erlendis á miðvikudaginn í 2 vikur, að heimsækja Bjarna og Bryndísi meðal bauna og serjóshringa.

5. ....og síðast en alls ekki síst. Mamma var að taka slátur og ég fæ slátur í kvöldmat....mmmm. Ég held í alvöru að það séu nokkur ár síðan ég fékk síðast slátur :)

Svo er nú það. Fékk gefins eitt stykki nemönd á föstudaginn og er því komin með 20 orma í bekk. Það er spurning hvenær þessum snillingum hjá Reykjavíkurborg sem hljóta að þjást af tölublindu tekst að reikna það inn í launin mín......grrrrrrrrrrrrrr! Það þyrfti að senda þá í greiningu!!!

Svona, svona róleg - þú getur alltaf bara staðið á horninu!

Og svo eitt til að fullkomna daginn hjá mínum kæru lesendum þá er barn á leiðinni, alla leið frá hinum megin á hnettinum! Frábært!

Fréttir!

Stundum pirra fréttir mig, finnst svo bjánalegt hvað er orðið fréttnæmt í dag. Hvers vegna þurfti að ræða sérstaklega við einhvern varaþingmann sem ekki var með bindi. Oh my god, númer eitt hverjum er ekki sama hvort einhver ræðuhaldari sé með bindi um hálsinn og hvað með athyglissýkina í þessum ræðuhaldara að troða einhverju bindi um hálsinn á sér. "Já mér finnst óþægilegt að vera með bindi". Vertu ánægður að þú þarft ekki að ganga með dömubindi! Dísús. Barnalegt í meira lagi. Næst vilja þingmenn kannski vera með húfu á þingi til að fá ekki lús! Svo þarf að rífast yfir þessum fjárlögum, það þarf að rífast um símapeninga, það þarf að rífast um nei atkvæði sem ekki var hægt að gefa og svo þarf að rífast um bindi. Væri ráð að rífast um eitthvað annað. Eða bara hætta að vera sama eins og mér.

Á annarri fréttastöðinni var nafngreindur Scott nokkur sem slysaðist inn á Traffic í Keflavík og varð Dananum Ian að bana. Til að vera alveg viss að þessi skilaboð kæmust fullkomið til skila varð að geta þess að Daninn hafi átt að reyna við kærustu Scott og Scott sjálfur væri nú búin að spila fótbolta með Keflavík og hann væri Skoti. Hin fréttastöðin sagði frá þrítugum manni sem varð Dana að bana á skemmtistað í Reykjanesbæ. Ekki var meira rétt um þá aðila, sagt var frá atvikinu og aðleiðingum. Spurt er! Hvor stofan fór rétt að?

Varð þetta litla pirruð þegar ég fékk launaseðil, komst af því að kellan á reiknivélinni hjá Reykjavíkurborg þyrfti að endurnýja batteríið í vélinni því hver sem er getur fundið út að ég er búin með kennarapróf. Var skapi næst að fara í setuverkfall og fara ekki í vinnuna fyrr en ég fengi borgað. En læt taka mig í rassgatið og sit eins og rækja í vinnunni og vona að þetta verði leiðrétt áður en ég verð borin út! Setti fram sterk mótmæli með því að vera í vinnunni til ellefu í gærkvöldi...grrrrrr! Ég sver það, það þarf eitthvað mikið að breytast til að ég haldi áfram að kenna og hanus nús!

..ekki meira að sinni. Nema ég er hætt að drekka!!! Alla vega Tequila!