Bloggað

Jæja ætli það sé ekki komin tími til að ég setjist hér við IBM tölvu Reykjavíkurborgar, noti 99% af puttunum til að styðja á takka sem á eru allir stafir íslenska stafrófsins í þeim tilgangi að raða þeim saman í gáfuleg orð sem síðan mynda enn gáfulegri setningar og vonandi lesningu sem vit er í. Vonandi getið þið notið þessa!

Það er nú ekki mikið að segja nema þá að ég krækti mér í flensuna, það varð náttúrulega að koma af því eins og öðrum veikindum sem ég hef sleikt upp eins og töframoppa. Ég er því búin að liggja undir sæng og teppi í allan dag, snýta mér þannig að ég er orðin rauð undir nefinu. Hitinn er búin að standa of nærri 39 gráðum í allan dag og ég drullusmeyk um að ná ekki að hrista þetta af mér fyrir helgina.

Jæja var þetta eitthvað gáfulegt....nei...enda ekki mikil heilindi í hausnum núna.

"snýt" later!

Yej baby!

Ef ég væri handbolti myndi ég vilja vera í hendinni á Alexander :)

Me me me

Vegna fréttar í Fréttablaðinu!

Kind: Meeee!

Hrútur:Me!

Kind: Meeeeeeeeeeeeeeeeee!

Hrútur: Me!

Kind: Me, þú ert fallegur hrútur me!

Hrútur: Me, Takk me!

Kind: Me, þú ert svo fallega vaxin, me!

Hrútur: Me, takk me!

Kind: Me, viltu kannski búa til lömb með mér me, me (blikkar auga).

Hrútur: Me, nei, me!

Kind: Me, ehehehehehe!

Hrútur: Me sorrý rollan þín ég er bara hommi. ME!

Blogg Dofra

Lagið um það sem er bannað í boði Dofra Hermannssonar.
http://dofri.blog.is/blog/dofri/entry/109945/


Það má ekki tala um ESB
um Evruna, það má bara ekki ske.
Ef Sólrún opnar munninn
þá hrapar krónan niður
og allir missa vinnuna því miður.

Þetta Sjálfstæðisfólk er svo skrýtið
það er alltaf að skamma mann
þó maður geri ekki neitt
það er alltaf að skamma mann.

Fagra Ísland ekki ræða má
allir verða kolbrjálaðir þá
og jafnvel sumir tuða
sem hefðu átt að fagna
og allir hinir krossbölva og ragna.

Þetta Sjálfstæðisfólk er svo skrýtið...

Það má ekki lækka verð á mat
þá éta bara allir á sig gat.
Og allir bændur landsins
þeir deyja drottni sínum
og allt er það að kenna flokki mínum.

Þetta Sjálfstæðisfólk er svo skrýtið...

Um lýðræði má ekki segja orð.
Íbúakosning jafnast á við morð,
því fólkið gæti breytt því
sem búið er að ráða
og bæjarstjóra skilið eftir smáða.

Þetta Sjálfstæðisfólk er svo skrýtið...

Ég vil banna eitt og aðeins eitt
að enginn megi segja ekki neitt
án þess krónan falli
og bændur fari að deyja
því Ingibjörg Sólrún vildi ekki þegja.

Þetta Sjálfstæðisfólk er svo skrýtið...

Siggi var úti

Siggi var úti með ærnar í haga,
allar stukku þær suður í mó.
Smeykur um holtin var hann að vaða,
vissi hann að lágfóta dældirnar smjó.
Agg, gagg, gagg sagði tófan á grjóti.
Agg, gagg, gagg sagði tófan á grjóti.

Í sumar komst ég að því að tófan gaggar. Ég hélt það væru bara fuglarnir sem gögguðu en þarna komst ég að því að gagga líka. Agg, gagg, gagg fer nokkuð nærri því að vera rétt hljóð. Það er skemmtilegt að hafa þessa ferðafélaga á Hornströndunum, maður heyrði í þeim gaggið en sá aldrei til þeirra. Nema náttúrulega þegar matarafgangarnir voru settir út, þá læddust þær að kofanum og nældu sér í bita. Á þessu svæði eru þær líka óhultar. En um leið og þær stíga út fyrir Hornstrandarfriðlandið er náttúrulega skotið á þær og síðan ekki söguna meir.

Mér líst ekki vel á þessa beiðni.

http://www.mbl.is/mm/frettir/innlent/frett.html?nid=1249585

Aulaverðlaun dagsins.

Hvað gerðir þú í dag Janus?

Já ég fór á skauta með börnunum mínum!

Fyrir einhverja lukku sem ég hef ekki haldbærar skýringar á þá setti ég á mig hjálm sem ég geri aldrei en mun gera framvegis.

Svo var eins og einhver hefði tekið í fæturna á mér á svellinu og ég datt beint á hnakkann, sem betur fer með hjálm því ég fékk snert af heilahristing og hálshnykk þó hann væri til staðar.

Svo nú sit ég með íbúfen af stærstu gerð, með stífan háls, hálf fatlaða hendi og hausverk dauðans. Mér líður sko ekki vel!

Sem betur fer var ég með hjálm því annars væri ég örugglega með brotin haus!!!

1891

Þegar pabbi minn fæddist var hún 56 ára
Þegar mamma mín fæddist var hún 64 ára
Þegar ég fæddist var hún 86 ára.

Elsta kona heims andaðist í svefni á hjúkrunarheimili sem hún hefur dvalið á síðan áður en ég fæddist lést í gær 19 janúar 2007.

Blessuð sé minning hennar.

http://www.mbl.is/mm/frettir/frett.html?nid=1248152

Gestaþraut??

Hvað er þessi unga stúlka af barnalandi að biðja um aðstoð við?

...er svo EKKI að finna gegnið á nýja sjálenska dalnum, ...

kommentið endilega!

Vangaveltur

Hvernig haldið þið að ástandið yrði í henni skrýtnu Ameríku ef næsti forseti Bandaríkjanna yrði svartur? Þeir eru nú þegar að býsnast yfir því að næsti forseti gæti hugsanlega orðið kona! Nú er svartur karlmaður búinn að leggja grunninn að framboði líka. Nú er ég alveg í vanda! Með hvorum ætti maður að halda? Best væri náttúrulega að Hillary væri svört kona, þá myndi heimurinn verulega fara að breytast.

Svo fer sögum af mannfíflinu í Breiðholti sem datt í hug að hella bensíni á fjórhjólið sitt með logandi sígrarettu í munninum. Hahaha það er nú varla annað hægt en að hlægja af svona kjánagangi. Hann var þó heppinn því ekki kviknaði alvarlega í húsinu og ekki urðu aðrar skemmdir á manninum en að það sviðnaði af honum hárkollan! Heppinn!

..og svo er það plottið... Já það var sko fólkið þarna í Kastljósinu sem skipulagði það að fyrsta opinbera heimsókn Dorrit yrði í Álverið í Straumsvík og að í kjölfarið myndi hún svo koma í Kastljósið og þannig væri RÚV og ríkisstjórnin að sýna stuðning við stækkun Álversins!!! Er ekki allt í lagi með þessa plottara? Mér finnst þetta hljóma eins og karlinn í Spaugstofunni sem segir í sífellu...ÞETTA ER ALLT SAMSÆRI!

Blogg og bögg eða blögg!!!!

Að hafa samvisku

Þegar við hættum að hafa samviskubit gagnvart börnunum okkar þá munum við ná árangri! Þetta sagði einn fyrirlesari á kvenna-námskeiðinu sem haldið var á dögunum. Hún vill meina að konur nái ekki lengra í sínu starfi því þær hafi svo mikið samviskubit gagnvart börnunum sínum. Hvað finnst ykkur um þetta???

Svona finnst mér þetta hljóma (bara mín skoðun). Ég hefði getað verið í vinnunni öll kvöld ef ekki væri fyrir þessi börn. Er það virkilega þannig að konur sem eiga börn séu að eyðileggja sína framtíð með því að hafa þörf fyrir að umgangast þau? Er það svo virkilega þannig að einu karlarnir sem komast til valda séu þeir sem hafa engan áhuga né vilja til þess að umgangast börnin sín? Ég hélt að það væri þannig þegar fólk væri búið að eignast börn þá myndu báðir aðilar vilja eyða sem mestum tíma með barninu.

Erum við kannski að ganga einum of langt í þessari umræðu sem einhvern tíma snérist um jafnrétti kynjanna. Ættum við kannski að kalla þessa yfirlýsingu sem er hér að ofan réttnefni...sem er réttur barna til að vera með foreldrum sínum! Mér finnst þetta bara sorglegt.

Á netinu

Hvað er hægt að segja á þessu auma flöskudagskvöldi? Jú! Það eru einungis 345 dagar til jóla. Það er ýmislegt sem maður rekst á þegar maður ákveður að eyða kvöldinu með fröken tölvu. Þetta fann ég á einni síðu:

Er bara svona að velta fyrir mér kostnaði og svona þá er ég að meina fyiri utan veisluna notla . Svo var ég líka að spá þið sem hafið fengið annan prest til að skíta en sóknarprestinn í kirkjunni hjá ykkur hvernig gékk það var erfitt að fá leifi fyrir því og hvert leituðu þið og einhvað svoleiðis ??? er er bara að reina að koma mér af stað í að ganga í þetta vei ekki hvar ég á að byrja :)"

Já það hlýtur að vera erfitt að fá prest til þess eins að skíta!

Þetta sá ég á annarri:

Slæmt veður á Holtaverðurheiði....! Hefði kannski verið eðilegra að segja bara Holtaveðurheiði?

Síðan í skóla.

Meðan sólin skín í Frakklandi og gamlir karlar með pastabumbu liggja í sólbaði við gosbrunn sitjum við hér á Íslandi, í fyrsta sinn í áraraðir stendur undir nafni. Ég fór í gönguferð í skóginum og gat látið ormana rekja slóðina eftir mig, munið þið eftir því hvað það var ógeðslega skemmtilegt. Ég fékk gamalkunna tilfinningu þegar ég þurfti að fara inn í skóla aftur. Ég mundi eftir því þegar ég var sjálf í skóla og það var snjór hvað mig langaði að vera úti lengur í frímínútum. Sem sagt fara ekkert inn þegar bjallan hringdi.

Einu sinni þegar við vorum í bekk hjá Ólöfu (blessuð sé minning hennar) var það ekki bara ég sem fékk þessa hugdettu heldur flestar stelpurnar í bekknum. Veðrið þennan dag var geggjað, svona ekta vetrarveður svo glitti á snjóinn. Ég man meira að segja hverjir tóku þátt í þessu gríðarlega samsæri það voru ég og Gugga G, Gugga K, Magga og Soffía. Við sem sagt héldum bara áfram að leika okkur í bankagarðinum þegar hringdi og fórum ekkert inn fyrr en að svona fimmtán mínútur voru búnar af tímanum. Á leiðinni veltum við okkur upp úr snjónum, settum snjó inn á okkur, tókum af okkur húfurnar, settum upp vælusvipinn og lugum því svo allar að einhverjir stórir strákar hefðu verið að kaffæra okkur úti.

Og það var besta við þetta var að Ólöf sem aldrei trúði neinu slæmu um þessa blessuðu engla sína tók orð okkar trúanleg, hleypti okkur inn og skammaði okkur ekki fyrir þetta skammarstrik. Sennilega hefur hún ekki vitað af þessu fyrr en nú!!

Hahaha

Já eftir andvökunótt og undir sæng dag þegar ekkert var orðið spennandi fór ég aftur inn á uppbyggilegasta uppeldisvef landsins og þar sá ég þetta.

Ég hef samt sem betur fer fundið mér enn betra athvarf á Barnaland.is. Þar hefur safnast saman fólk sem er verr statt andlega en ég og slúðrar um fallega og fræga fólkið. Ég þekki samt enga fræga en er búinn að vera duglegur að búa til sögur sem hitt liðið étur upp og finnst ég vera ógeðslega vel tengdur. Þarna er ég kóngur í ríki mínu og samt á ég ekki einu sinni börn og hef aldrei skipt á kúkableiu.

Hahahaha....hreinlega eins og ég hefði skrifað þetta! En þessi greinarbútur birtist í fréttablaðinu í dag. Hahaha...ef ég væri stjórnandi á þessum níðandi vef væri ég löngu búinn að loka fyrir þetta úr takt við verulega spjall sem á að víst að vera til hjálpar öðrum.

Hahahaha...þetta finnst mér geggjað fyndið.

...og það var rétt!

Það var sem ég vissi herra ælupúki stuðlaði að nánum kynnum mínum við herra Gustavberg síðasta sólarhring. Ég veit ekki hvað orsakar það en það virðist vera svoleiðis að ef einhver segir gubbupest í kílómetra radíus í kringum mig þá byrja ég að æla. Taldist til að þetta sé í minnsta kosti þriðja sinn á þessu skólaári sem ég þarf að vera frá vinnu sökum þessarar tegundar pestar!! og geri aðrir ó-óléttir betur! Skildi ég ekki getað sprautu við þessu?

Ég er því búin að liggja undir sæng og telja málningardropana í loftinu, horfa á Friends seríu, drekka kók og skófla í mig hafragraut. Maður fær nefnilega engan séns í þessari tegund pestar! Reglulega þarf að fara og þefa af klósettinu og þá gildir einu hvort eitthvað er í bumbunni til að skila eða ekki. Reynslan hefur kennt mér að betra sé að hafa mat í bumbu en ekki.

Hér með lýkur þessari ógeðfelldu lesningu.

Molar

Stundum ef mér leiðist eða þarf að taka pásu frá einhverju uppbyggilegu verkefni kemur fyrir að ég skelli mér inn á versta og ruddalegasta spjallvef landsins...sjálfa umræðuna á Barnalandi eða babyland! Þar velta verðandi eða núverandi mæður sér upp úr hinum ýmsu smáatriðum sem flest snúast um það að niðurlægja og bögga aðra. Hef sagt þetta áður en það er ótrúlegt hvað fólk leyfir sér að segja undir dulnefni.

Nú fara gellurnar þarna, sem gleymdu flestar að læra stafsetningu í fimmta bekk, hamförum á um samband Magna og Dilönu. Ég meina það hverjum er ekki sama! Og bara svo þið vitið það þá sáust þau í sundi.

Svo er það víst þannig að í Keflavík búa bara Grjón og hálfkana börn sem gefa börnunum sínum pylsur í hátíðarmat....Þessir molar voru í boði hins ábyrga og fallega vef um uppeldi barna sem ber nafnið barnaland.is.

Tímamót

Það eru ýmis tímamót á þessari bloggsíðu í dag. Í dag heimsótti gestur númer 50.000 síðuna mína. Alla vinkona fékk þann skemmtilega heiður og mun verða verðlaunuð með rauðvíni og ostum við tækifæri.....takk fyrir að láta mig vita :)

Þessi færsla er svo númer 400 á síðunni þ.e. ég hef sett hér inn 400 misgáfuleg skilaboð. Svo má náttúrulega nefna að það var í desember 2004 sem ég skipti yfir á þessa síðu af gömlu síðunni minni sem allir eru búnir að gleyma, nú er komin janúar 2007 og síðan því orðin rúmlega tveggja ára gömul. En ég læt engan bilbug á mér finna.

Áramótin eru oft notuð til að strengja hin ýmsu heit. Ég auðvitað strengdi heit sem ég á eftir að koma í ljós hvort ég næ að uppfylla. Eitt var að vera hraustari! Sem er náttúrulega fáránlegt heit, því maður getur jú ekki stjórnað heilsunni nema upp að vissu marki. Með það í huga skal ég segja ykkur að ég er ansi hrædd um að ég að hafi nælt mér Geysi í gær í kvöldheimsókninni og ætla ég að giska á að innan næsta klukkutíma verði ég búin að skila pitsunni í klósettið.

Góðar stundir.

Próf

How Smart Is Your Right Foot?
This is so funny that it will boggle your mind. And, you will keep trying it at least 50 more times to see if you can outsmart your foot. But you can't!!!
1. While sitting at your desk, lift your right foot off the floor and make clockwise circles with it.
2. Now, while doing this, draw the number "6" in the air with your right hand.

Your foot will change direction!!!

Ég get þetta ekki og það böggar mig helling!

50.000

Langar til að benda ykkur á að það styttist all verulega í gest númer 50.000.
Núna er staðan 49.825.

Hver verður sá heppni að fá verðlaunin?????

Nokkrir punktar

...nokkur afrek! Systir mín tók á móti fyrsta barni ársins.

Bróðir minn átti bílinn sem var sprengdur í loft upp á Selfossi í nótt.

Ég endurraðaði í íbúðinni minni í dag og svei mér þá ef hún hefur ekki stækkað fyrir vikið.

Jólapistillinn er á vara síðunni minni því þessi er óþolandi.

Vinnan byrjar aftur á morgun...og það styttist ógurlega í það að Sveinsínur verði þrítugar.

Pass í bili!!

Það er nú eða aldrei

...ég er búin að reyna að pósta nokkrum sinnum hérna inn á og ekkert hefur gengið. Nú prófaði ég að breyta blogginu mínu í yahoo accont og því kemur það fljótlega í ljós hvort ég get notað þetta annars ágæta blogg áfram.