Döpur er dráttlaus kona.

...besti páskamálsháttur ever!!!

Friday, December 31, 2004

Fiskarnir

Fann þessa stjörnuspá fyrir sjálfa mig....nokkuð smellið. Eins og ég hafi bara samið þetta sjálf.

Þeir sem eru í merkinu fiskar ættu að vera á varðbergi. Þú getur ekki ætlast til þess að aðrir lesi hug þinn. Þú verður að tala hreint út svo ekki fari á milli mála hvað það raunverulega er, sem þú vilt. Nú er rétti tíminn til að gera áætlanir og kippa því í lag sem sannarlega hefur farið úrskeiðis.- Gakktu hægt um gleðinnar dyr.

Thursday, December 30, 2004

Kryddsíldin...?

....kemur ekki fyrr en á næsta ári því tölvan úr Hrísholtinu var send í viðgerð þennan næst síðasta dag ársins. Ég gat þess vegna ekki haldið áfram að skrifa meistaraverkið sem ég var byrjuð á í gær. Eitthvað á að reyna að minnka vírusstreymið í garminum. Þá býður maður sér bara í heimsókn og pikkar á næstu tölvu sem býðst.

Ég fékk furðulegt símtal áðan. Já, hlustið þið vel.... mér var boðið til Bandaríkjanna í fjórar vikur næsta sumar!! Flugfarið greitt, fæði, uppihald o.s.frv. Eina sem ég þarf að gera að taka með mér fjögur börn og vera svona hálfgerð "mamma" þeirra þessar fjórar vikur. Veit ekki alveg hvað mér finnst um þetta boð, en er alveg tilbúin að skoða það. Þetta hljómar nú ekkert rosalega leiðinlega, eða hvað finnst ykkur?

Ég lét verða að því að hringja í kórstjórann í Borgarkórnum í gær. Skemmtilegur karl sem varð bara æstur og ánægður yfir því að fá slíkan snilling (mig) í kórinn. Hann ætlaði alveg að tapa sér yfir því að ég syngi alt-rödd, það er alltaf slegist um okkur alt-ana, við erum nefnilega svo ómissandi. Fyrsta æfingin er 11 jan....spennandi.

Ég hringdi líka í Gugguna mína áðan - hún er í tuttuga stiga hita í Aþenu. Núna eru svona sirka 36 dagar þar til hún kemur heim, sem eru sirka 900 klukkustundir, sem eru sirka 54038 mínútur og haldið ykkur fast sirka 3,242,290 sekúndur. Skemmtilegur fróðleikur :) Hún sendir ykkur annars knús og kossa og biður að heilsa. Ég lét hana lofa mér að skrifa á bloggið sitt fyrir áramót, sem sagt á morgun svo þið fáið update á hennar málum.

Áramótin framundan og nokkur partý í boði, ég og Sandra erum að kanna möguleikana. Ég hef þó ákveðið eftir reynslu annars dags jóla að drekka mjög lítið ef þá eitthvað. Þar sem 4 bjórar virtust vera alltof mikið hlýtur 1 bjór að innihalda hæfilegt áfengismagn. Hænuhausinn ég! Aldrei dýrt að skemmta sér, held ég hætti bara þessu bjórsulli og drekki vatn.

Já, nýja árið kemur og ég óska að þessi tóma-tilfinning inn í mér sprengist burt með flugeldunum. Þyrfti að stinga flugeld í rassinn á Sigurði Viktor og kveikja í, besti leikari þessa árs og þó víða væri leitað. Láta soldið af mínum sársauka yfir í hann!!! Hvað finnst ykkur....frasinn "farðu í rassgat" færi vel á þeim flugeld :). Það ætti að selja svoleiðis á flugeldasölum fyrir særða, reiða fyrrverandi ómeðvitaða leiksoppa!!!! Nei, nei! Bara að fíflast en skemmtileg hugsun samt. Það væri sennilega einfaldara ef mér væri svona illa við hann....en! Svona er það víst bara og ekkert sem ég get gert til að breyta því. Vonum bara að Siggi sé sáttur með þau afrek sem hann vann á árinu.

Sáuð þið manninn í fréttunum sem var búin að kaupa flugelda fyrir á aðra miljón!! Kallar sjálfan sig sprengjufíkil og er stoltur af því. Honum hefði nú verið nær að kaupa fyrir fimm þúsund kall og senda mismuninn til Tælands eða a.m.k. í þann heimshluta. Það liggur við að mér líði betur við að horfa á reykingarmann reykja peningana sína heldur en að horfa á fólk sprengja þá. Það tekur svo stuttan tíma að sprengja heila miljón. Kannski þetta segi mér bara að ég sé nískupúki sem tími ekki að eyða í sprengjur heldur horfi á það sem aðrir sprengja.

Anyways - vona að áramótin ykkar verði skemmtileg og að nýja árið verði betra en það gamla. Ég er alla vega búin að leggja inn pöntun fyrir því.

Happy bombing og happy days!!!!

Wednesday, December 29, 2004

...þrír efstu!!!

...Mér fannst svo sniðugt þegar ég fékk mér þessa nýju síðu að þar er hægt að skrifa svona sérstakan titil fyrir hverja færslu í sér dálk. Svo sit ég tilbúin með fingurna á lyklaborðinu og engin hnyttinn titill kemur upp í hugann. Ég stórefast um þessa titillínu.

...Íþróttamaður ársins - með fullri virðingu fyrir afrekum þeirra íþróttamanna sem urðu í þremur efstu sætunum, þá var ég alveg viss um að Kristín Rós myndi fá verðlaunin núna. Hvað þarf þetta stelpugrey að gera til þess að komast að hjá þessum íþróttafréttamönnum. Mér finnst það eiginlega til skammar að ár eftir ár er hún ekki einu sinni á meðal þriggja efstu. Fimmta og sjöunda sæti á Ól. og enski boltinn er víst merkilegri en gull og silfur á Ól. En, mín skoðun, feel free að tjá ykkar.

...Ég bætti aðeins við púslmetið þessi jólin í dag. Púslið var reyndar ekki nema 500 bita en 1500 + 500 gera 2000 bita. Hver veit nema ég skelli mér bara á annað á morgun - ég veit, mig vantar eitthvað að gera. Ég lá í klukkutíma í pottinum í dag, sem var 41 gráða, ég er ennþá með rúsínutær og hitastigið í búknum....úffff mér er ennþá heitt. Ég eyddi líka smá tíma í dag í að semja svona frétta-annál um sjálfa mig. Svona kryddsíld frá árinu 2004 - ýmislegt krassandi sem hægt er að segja frá...ójá. Í framhaldi ætla ég síðan að semja Völvuspá - hvað nýja árið mun bera með sér?

...eeeeeeee já mér leiðist, langar að gera eitthvað spennandi :)

Hinn dularfulli Sveitalubbi!!

Það var 13 ágúst árið 2003 sem Sveitalubbi hóf skrif. Síðan liðu um það bil sextán mánuðir. Þá ákvað hann að taka sér smá-blogg-pásu. Einn daginn þegar hann ætlaði svo inn á síðuna sína var hún horfin. Sveitalubbinn sendi póst á blogger og bað um skýringar og svarið var eitthvað á þessa leið: þú fórst inn á þitt svæði, á þínu lykilorði og eyddir blogginu þínu. Lubbinn veit náttúrulega að hann eyddi ekki blogginu sínu og sendi því aðra beiðni á blogger og bað um að láta leita að skránni sinni. Síðan liðu um það bil 15 dagar og þá ákvað Lubbinn að búa sér bara til annað blogg. Var svolítið svekktur yfir því að missa dagbókina sína síðustu mánuði, samt svolítið minna svekktur yfir því að missa þær færslur og skilaboð sem hann hafði skrifað síðustu mánuði.

Lubbi var því bara nokkuð sáttur yfir nýja blogginu. Og hvað haldið þið...! Einhver tölvugúru hjá blogger fann skránna og náði að koma Sveitalubbanum aftur á sinn stað. Með skilaboðunum hans fylgdi svo leiðbeiningar um það að breyta lykilorðinu svo að sá sem eyddi því fyrst myndi ekki gera það aftur. Ég held að tölvugúrúið haldi það að Lubbi sjálfur hafi eytt því og fengið svo einhverja bakþanka og viljað fá það aftur!! Skiptir svo sem ekki máli því Lubbinn er komin aftur á sinn stað. Þá kemur upp þessi spurning. Nú á Lubbi tvö blogg! Núna er hann að skrifa á það nýja, en finnst hann soldið vera að svíkja það gamla!!! What to do? Ekki er hægt að sjóða það saman í eitt?

Lærdómur af þessu: þó maður skrifi bloggið sitt eins og dagbók verður maður samt að skrifa í gömlu góðu náttborðsdagbókina því netið er ekki pottþétt. Ég var ansi löt við að skrifa í hana þessa mánuði.

Að auki og lærið þetta öll!!! Takið afrit af template-inu og vistið það inn í word eða eitthvað svo þið eigið þá alla vega staðgengil.

Anyways!!! Lífið að falla aftur í sinn fyrri farveg og dagarnir líða og sífellt styttist í nýja árið!! Árangur jólanna er óvenjulítill, ekki hefur verið sett saman nema eitt 1500 bita púsl, langt síðan árangur hefur verið svo slakur. Þó er gítarsiggið orðið hættulega þykkt, þyrfti að fá svona sigg-snyrtingu. Það kom mér mikið á óvart að ég kann 15 lög án þess að horfa á grip....það er bara gítarsnilli í fæðingu :)

Að sinni kveður skrifar-inn!!

Sunday, December 26, 2004

...og þá er það skáldsagan!!

Það má með sanni segja að árið 2004 verði lengi í minnum haft sem það undarlegasta ár sem undirrituð hefur þurft að lifa. Ef ég myndi snúa því yfir á kínverska dagatalið, þið munið ár snáksins, ár þessa og hins, þá myndi ég án umhugsunar skíra þetta ár sem ár tilfinningana. Öll flóran, upp og niður, upp og niður, út og suður, upp og niður og svo bara niður.

Lærdómur - það var verið að hreinsa til, prófsteinn á það sem koma skal, mun fara að læra box eftir áramótin svo ég geti barið frá mér, passið ykkur bara....múhahahaha.

Anyways - ball framundan, vandamálið: í hvaða skóm á að fara- vondur eða verri?

Góðar stundir og skál!!

Tuesday, December 14, 2004

Eins og kafli í lélegri skáldsögu

bara að prófa.