Síðasti kennsludagur

Ég sit hérna við kennaraborðið mitt og hef ekki annað að gera en að pikka hér inn smá skilaboð. Börnin mín 35 sitja á gólfinu í kringum mig og bryðja snakk og popp og horfa á teiknimynd. Svona ekta partý á síðasta skóladegi þessa skólaárs. Ég trúi því varla að sumarfríið sé að byrja, það virtist svo óralangt í burtu fyrir nokkrum vikum síðan. Planið næstu daga er nokkuð þétt.

Í kvöld er ég boðin á bekkjarkvöld og ætla svo út að borða. Skólaslit á morgun miðvikudag. Er svo að fara á fund á fimmtudagskvöld vegna Hornstrandarferðarinnar.....vá hvað ég hlakka til :) Svo er óvissuferð sem reyndar er vissuferð á föstudaginn. Svo er komið að drauminum sjálfum. Ég fer út í eyju á laugardaginn. Í burtu frá tölvunni, sjónvarpinu, gsm-sambandi og öðrum skarkala. Nú verður það flíspeysa og ullarsokkar og smá bjór :)

Ég kem svo aftur á fastalandið 20 júní og legg svo af stað í gönguna 23. júní. Ég verð því ekki til viðtals fyrr en júli...high on life með overdoze af súrefni :)

Vona að júnímánuður verði ykkur ánægjulegur, reynið að njóta hans úti í náttúrunni og með vinum ykkar og kunningjum :)

Sjáumst í júlí :)