Döpur er dráttlaus kona.

...besti páskamálsháttur ever!!!

Tuesday, October 31, 2006

Sexy bastard!!!


Það eru bara engin orð!!!
Grrr....hvar pantar maður einn svona?

Friday, October 27, 2006

Ekki lengur laus.

Já þá er henni lokið þessari viku í nánum kynnum við karlmann. Þessi karlmaður er mjög jarðbundinn og glansar hreinlega af hreysti. Hann er reyndar svolítið staðfastur og satt að segja helst til einhæfur. Þó karlmannsleysi hafi oft þjakað undirritaða get ég með fullri vissu sagt að þennan karlmann vill ég ekkli lengur í mitt auma líf.

Þannig er mál með vexti að á að aðfaranótt þriðjudagsins byrjar þessi vonandi stutta ástarsaga. Alla þriðjudagsnóttina gat ég ekki slitið mig frá þessum cool karlmanni og með herkjum komst ég í vinnuna morgunin eftir. Hugsunin um hann ein og sér truflaði vinnuna og því gat ég ekki klárað daginn heldur fór heim um hádegi til þess eins að komast aftur í faðmn hans. Allur þriðjudagurinn fór svo í náin ástaratlot og faðmanir af grófasta tagi...habba, habba. Á miðvikudagmorgun fór því bara mjög sátt og fullnægð í vinnuna. En þegar líða fór á daginn reikaði hugurinn ósjálfrátt aftur til hans og þegar úr vinnunni var komið þýddi ekkert annað en að henda sér í faðm hans og njóta hans það sem eftir lifði kvölds. Fimmtudagurinn var eins því ég gat hreinlega ekki slitið mig frá honum og lítið varð úr svefni þá nóttina því það er full vinna að standa í faðmlögum við þennan gaur.

Í dag föstudag fann ég að nóg var komið. Ég fór því heim úr vinnunni rúmlega tíu og eyddi nokkrum stundum í faðmi hans. Um kaffi sleit ég samvistum við hann. Ég get hreinlega ekki látið þennan mann stjórna mér lengur. Ég er alveg búin að fá nóg af honum. Karlmannsleysi eða ekki karlmannsleysi, ég vil þig ekki lengur herra GUSTAVSBERG.

Dauði og djöfull, ég er búin að vera með gubbabest í fimm daga.

Wednesday, October 25, 2006

Af hverju eru jólatré betri en karlmenn?

1. Jólatré standa alltaf upprétt
2. Stærð jólatrésins skiptir ekki öllu!
3. Jólatréð stendur í 12 daga og 12 nætur!
4. Jólatréð lítur alltaf vel út, meira að segja í dagsbirtu...
5. Jólatréð er alltaf ánægt með stærðina sína!
6. Jólatré eru með sætar kúlur...
7. Jólatrénu stendur á sama þótt þú brjótir eina kúluna af því
8. Þú mátt henda því út þegar það hefur gert sitt gagn!
9. Þú þarft ekki að þola það allt árið um kring!
10. Þú þarft bara að gefa því að borða einu sinni í viku
11. Það er alltaf til staðar til þess eins að gleðja þig..
12. Það kviknar á því bara þegar þér hentar!
13. Það lyktar alltaf vel og gefur ekki frá sér óæskilega lykt!
14. Ef það stingur þig er auðvelt að fjarlægja meinið
15. Það fer ekki fram á að fá lítið jólatré

Sunday, October 22, 2006

Helgin og sumarið 2007.

Aftur eyddi ég helginni fyrir austan fjall þó ekki á hótel mömmu því gamla settið er í Túnis. Ég kíkti aðeins í sumarbústað á föstudagskvöldið og átti svona fullkomna stund í heitum potti, undir stjörnubjörtum himni, skreyttum norðurljósum og stjörnuhröpum. Ég var svo að vinna í gærkvöldi og nótt. Ágætt að breyta svona til og fara í eitthvað alveg nýtt.

Ég pantaði mér líka ferð næsta sumar, já ekki er ráð nema í tíma sé tekið. En svona verður þessi draumaferð númer 2. Lagt verður af stað frá Norðurfirði laugardaginn 23. júní 2007. En þá verður siglt til Hafnar í Hornvík. Þá verður siglt undir Hornbjarg svo maður geti skoðað það frá því sjónarhorni. Næstu tvo daga verður svo gengið á þessu svæði, gengið verður um Rekavík bak Höfn, Í Hvannadal og á Langakamb sem nær langt út í sjó undir Hornbjarginu. Næsta dag verður svo gengið á Hornbjargið sjálft, þetta sem ullaði á mig í síðustu ferð. Þessar tvær fyrstu nætur verður gist í fyrrum vitahúsinu við Hornbjargsvita.

25. júní verður svo gengið til Bolungarvíkur (á Hornströndum) þar sem gist verður í tvær nætur. Þar er falleg sendin fjara og hægt verður að fara í stuttar göngur t.d. út á Siglunes eða Hyrnukjöl eða þrengslin.

27. júní verður gengið um Furufjörð, um Svartaskarð og Þaralátursfjörð til Reykjafjarðar þar sem gist verður í þrjár nætur. Þar verður gengið á Geirólfsnúp, um Skjaldbjarnarvík, Miðmundarhorn, Þaralátursnes eða á Drangajökul en þarna verður einnig hægt að slaka á í sundlaug og heitum pottum.

30. júní verður svo siglt aftur til Norðurfjarðar og þar verður farið í minjasafnið Kört og í sund í laugina við Krossnes.

Þar hafið þið það. Fyrst verður það eyjan frá 9. júní til 20. júní og svo Hornstrandir frá 23. júní til 30. júní. Ég sem hélt að ekkert gæti toppað síðasta sumar, en svei mér þá þetta lítur bara vel út.

Get ekki beðið :)

Thursday, October 19, 2006

Jackass

Ég fór í bíó.
Ég keypti miða á 450.
Siggi bró keypti miða á 900.
Gugga gleymdi poppinu.
Siggi hlær eins og stúlka.
Anna kastaði upp.
Myndin var fyndin.
Djöfullinn var bestur.
Jackass kjánar.
Hahahaha!
Geðveikt fyndið.

Monday, October 16, 2006

Nafnið mitt

Fann þetta hjá Helenu...þetta þýðir nafnið mitt.

J- Everyone loves you
A- Pretty damn good kisser
N- You are the sexiest motherfucker out there
A- Pretty damn good kisser

Svei mér að þetta sé ekki bara hárrétt!
Hver vill mig kyssa?

...yfir á hina síðuna.

Já ég vona að þið áttið ykkur á því að það er full vinna að fylgjast með þessu bloggi því stundum og oft get ég ekki skrifað hér inn á og nota því "vara" síðuna mína.

Sáuð þið brjóstalækninn minn í sjónvarpinu áðan, aldrei leiðinlegt að fara í vinnuna segir hann. Úfff ekki vildi ég káfa inni í brjóstum alla daga, satt að segja fæ ég pínu klígju.

...og úfff framundan er geðveikislega upptekin vika. Ég verð bara veik við tilhugsunina...og vitiði hvað? Ég er að fá nema í næstu viku, mér finnst ég svo fullorðin eitthvað :)

Sunday, October 15, 2006

Lím-lög

Það er svo undarlegt hvernig sum tónlist getur klesst sér í hausinn á manni og hljómað þar stundum svo dögum skiptir.

Ég man sérstaklega eftir því þegar ég var að mála íbúðina mína síðasta haust og Aðalheiður vinkona mín fór að söngla Polytex lagið..a dúmma da dúmma da dúmma dú! Ekki nóg með að ég og Gugga höfum haft það límt í hausnum næstu daga þegar við máluðum eins og við ættum lífið að leysa heldur get ég ekki tekið upp pensil án þess að þetta stef byrji að hljóma fyrir eyrunum á mér.

Ekki alls fyrir löngu þegar ég var óvart með stillt yfir á fm 957 heyrði ég lagið sem límdist í k0llinum þá vikuna, hun heter Anna, Anna heter hun!!! Arrgg hver semur svo lagleysu?

Um helgina var það upphafsstefið úr sjónvarpsþættinum um Stubbana sem átti hug minn allan....Stubbarnir, stubbarnir....segja góða nótt....stórt knús...ahhhhhhhhhh!

Tuesday, October 10, 2006

fundur og göngur

Jæja sæl verið þið þá er að standa við stóru orðin og fara að skrifa eitthvað af viti hér inn. Ég fór á ægilega merkilegan fund í dag þar sem rætt var um skólastefnu Reykjavíkurborgar, hvernig er hægt að gera góða skóla betri. Þarna voru saman komnir kennarar úr nokkrum skólum sem allir höfðu sínar skoðanir á rekstrarleiðum þessara ágæta stofnanna sem heita grunnskólar. Þetta var skemmtilegt og niðurstaðan ekki að verri endanum. Bekkirnir eru of stórir, húsin eru of lítil, börnin eru of óþekk og launin eru of lág!!! Hefðum svo sem getað sagt okkur þetta fyrir fundinn en þarna var það komið á prent.

Ég fór í fjallgöngu um síðustu helgi. Gekk um á Hengilsvæðinu og upp á þúst sem heitir Skeggi og teygir sig einhverja 800 metra upp til guðs. Þetta var skemmtilegt ferð með góðum og stórum hóp af fólki. Verst var rokið sem gerði það einfalda verk að standa í fæturna á tindinum frekar krefjandi. En annars var þetta fínt því ekkert var um vatnsgusur úr himninum með þessu hífandi logni. Svo dansaði ég rassinn úr buxunum eða blöðruna af hælnum.

Þangað til síðar.....munið að ef það rignir er ekki vitlaust að vera í regngalla :)

Sunday, October 08, 2006

Hrós - Rós

Á ég að trúa því að ég hér hafi ekkert verið skrifað síðan 1. október? Þetta er náttúrulega engin frammistaða!! Þetta mun ekki gerast aftur.

Ég fór á myndakvöld á föstudaginn þar sem ferðin um Hornstrandir var rifjuð upp. Þar settist hjá mér maður og dásamaði það hvernig ég skrifaði og átti hann þá við hvernig ferðasagan mín af þessari ferð birtist honum. Hann sagði hvernig fer maður af því að skrifa svona texta sem rennur svo ljúft og skemmtilega. Mér leið bara eins og ég væri komin aftur á Strandirnar við það að lesa þetta. Ég roðnaði eiginlega og varð kjánaleg því svona hrósi finnst mér frekar erfitt að sitja undir. Það skemmtilegasta við þetta er svo að þessi maður er mikið íslenskuséní og er búin að kenna við Kennaraháskólann til margra ára. Hann endaði svo þessa dásemd á því að segja, þú ættir nú bara að halda námskeið fyrir okkur í kennaraháskólanum sem myndi heita hvernig á að skrifa skemmtilegan texta.

Finnst ykkur þetta ekki merkilegt? og svo líða átta dagar á milli færsla á þessum greinilega frábæra vef :)

Sunday, October 01, 2006

Örblogg

Vinkona mín sagði við mig um daginn:

Ef barnið mitt væri að byrja í skóla þá myndi ég reyna að flytja í Grafarholtið svo það gæti verið í bekknum hjá þér!

Þetta þótti mér vænt um.