Flensufréttir

Verri influensu hevur ikki gingið í Føroyum í nógv ár, og hjá nógvum,
serliga eldri fólki, og fólki, sum annars eru veik, kann hon blíva hon so
ring, at tey fóta sær ikki aftur.
Influensan er so umfatandi, at tað eru bara tey hepnastu, sum sleppa undan,
serliga um tú ikki hevur havt influensu í eini tvey, trý ár.
Og hon herjar við fullari styrki, og skal takast í fullum álvara Og so eru
tað eini góð ráð eisini at hava panodil, ella kodimagnyl við hondina til at
taka broddin av fepurinum og pínuni í liðunum.

Í Italia eru tvær milliónir farin undir dýnuna og í Fraklandi liggur ein
millión undir dýnunni.

Fleira og fleira

Ég var að koma af tónleikum. Skellti mér í Grafarvogskirkju þar sem nokkrir kórar voru að syngja Brynjólfsmessu sem Gunnar Þórðarson samdi sérstaklega til að heiðra þennan snilling Brynjólf Jónsson sem á nú um það bil 500 ára afmæli….og til hamingju með það að eiga afmælisdag. Alla vega skemmtilegir tónleikar með fullt af kunnuglegum andlitum, bæði úr sveitinni og úr Keflavík. Svei mér þá að ég sakni ekki Skálholtskórs.

Hvað meira….Okkur stóð nú ekki á sama í dag þegar fallegi kofaskólinn okkar stóð í miðjum sinueldi og það engum smá sinueldi. Þetta var nú svolítið spennandi. Ég óð í gegnum þvílíka bræluvegginn og veiddi bílinn minn í burtu. En auðvitað er þetta ekki alveg sannleikanum samkvæmt því vindáttinn ýtti bæði eldi og brælu frá skólanum. En þetta var nú samt frekar óhugnaleg sjón svona út um gluggann með alla ormana í kringum sig.

…og svo meira? Allt í einu er sumarið að leggjast. Þarf að velja á milli þess að vinna mér inn smá aur í byrjun í sumars eða fara á flottustu eyju á Íslandi að týna dún og egg. Það væri mjög spennandi ef ekki væri fyrir fuglaflensu. Úfff það er búið að hræða börnin svo mikið með þessari fugluflensu að þau þora varla að lesa Andrés Önd…..hahaha!!

…þið sem heimsækið mig mættuð nú alveg kvitta fyrir kaffinu.

Ég var í afmæli

Þegar fyrsta kertið brann út snérist umræðum um aukakíló. Við annað útbrunna kertið snérist umræðan um brjóst og batterí. Þriðja kertið kallaði á samtal um samkynhneigða og löngu gleymdar fimmtudagsskemmtanir. Þegar fjórða og síðasta kertið brann út var talað um listir, listamenn og sýningar.

Niðurstaðan er ljós, við vinkonurnar erum ekkert smá menningarlegar. Við tókum svo leigubíl niður í bæ, þetta var skemmtileg ökuferð og hefði verið skemmtilegt að geta lengt hana……je that will be the day. Leigubílstjórinn átti heldur ekki orð yfir þessi fögru fljóð sem hann brunaði með um miðbæinn. Hann spurði hvaðan eruð þið stelpur….svarað við erum allar utan af landi. Hann svarar: það hlaut að vera því þið eruð svo skemmtilegar. Næst spurði hann hvað gerið þið? Nú við erum Fjölmiðlafræðingur, viðskiptafræðingar, ferðamálafræðingur og kennarafræðingur…..sem sagt stór bunki af fræðingum í einum og sama bílnum.

Alla vega Ölstofan var skemmtileg eins og venjulega og Janus var í sérstökum spjallham þetta kvöldið og óð í gegnum hvern kúnnann á fætur öðrum. Einum leist Janusi þó sérstaklega vel á og eftir nokkra stund í spjalli ákvað hann að kanna kauða betur. Alla vega eftir smástund heldur spjallið áfram og allt í einu fær Janus svona á tilfinningu að eitthvað sé ekki eins og það á að vera og ákveður til að vera viss að spyrja….Bíddu áttu konu???? Kauðinn horfir til baka með höndina þar sem hann ætti ekki að vera með hana og svarar kokhraustur….Já ég á konu…er það eitthvað vandamál eða?? Ple….er ekki allt í lagi.

Þegar hér var komið við sögu var því best að pakka saman og halda heim á leið eftir óvænt og skemmtilegt kvöld.

Spurning

Hvenær er rétt að segja....

Að fara frá rótum og alla leið upp í enda???

Ef það eru ekki ljóð þá eru það þá eru það þrautir!!!!

ýmis-ýmis-ýmislegt

Hún Anna Guðrún mágkona mín er mikil ofurkona. Hún fékk eitt stykki 40 tonna trukk á bakið og lifði af. Þegar hún svo vaknaði til lífsins var hún ekki lengur á leið á Selfoss heldur starði stóreyg á skiltið sem á stóð 5 látnir á árinu.....á leið aftur í bæinn. Við höfum nú lagt inn pöntun fyrir gúmmíbíl handa skötuhjúunum fyrir austan áður en næsti trukkur tekur þau í franskan.

Ég gekk að eiga 21. öldina í dag. Mun ekki draga snúrusímann minn um gólfið, hjakkast á einnota rakvél, borðtölvan hefur ekki farið í samband á þessu ári og ferðageislaspilarinn fær nú hvíld til íhugunar. Mun mæta galvösk í Orkuverið á morgun með nýja gula spilarann minn sem vegur jafnmikið og gaffall!!!

Heymaur heitir það kvikyndi sem skreið upp eftir fótunum á mér í sveitinni og gerði árás. Pfff hver þarfnast útlanda til að verða eins og sigti, ég kýs nú frekar Tungurnar í svoleiðis matarleiðangra.

...og af því ég er komin í ljóð..þá kemur hér ljóð sem ég fékk í vinnunni í dag!!

Kristjana er mjúk.
Kristjana er falleg.
Kristjana er að borða gras.
Kristjana er góð.
Kristjana er að njóta lífsins.

Yfir og út.

Vík frá mér myrkur...

20. MARS VORJAFNDÆGUR.
Frá og með þeim degi mun birtan hafa betur yfir myrkrinu fram að 23. september en þá er er haustjafndægur, heill hellingur af dagsbirtu framundan......getur lífið verið dásamlegra!!

Eitt ljóð eftir Þórarinn Eldjárn í tilefni þess!!!

VOR
Í garðinum eru byrjuð blóm,
þau biðja mig að fara úr skóm.
Úr brumi gægist lítið lauf,
líkt og tippi úr buxnaklauf.
Sólin tekur mynd af mér
milli þess sem rigning er.
fuglar syngja , grasið grær,
gamall ánamaðkur hlær.
Óð fluga nálgast óðfluga,
ætli það sé góð fluga?

Bókasöfn og Intrum

Vissuð þið að í dag er síðasti að séns að skila bókum sektarlaus á bókasafnið. Eftir það kemur bara herra Intrum og rukkar þig. Fékk þessa bögu í pósti og varð að fá að deila henni með ykkur :) Þetta er eftir Þórarinn Eldjárn.

Hann Guðmundur á Mýrum borðar bækur,
það byrjaði upp á grín en varð svo kækur.
Núorðið þá vill hann ekkert annað,
alveg sama þó það sé bannað.

Hann lætur ekki nægja kafla og kafla,
hann kemst ekki af með minna en heilan stafla.
Hann er víða í banni á bókasöfnum,
en beitir gerviskeggi og fölskum nöfnum.

Sumt skilur maður ekki....

...ég skil ekki hvernig fólk getur leikið sér að tilfinningum annarra. Það gerir mig reiða. Þegar ég verð reið koma fullt af reiðilestrum upp í hugann. En ég ætla ekki að deila þeim neitt frekar.....! frekar, að vera frekur...fyndið!!

Túristahelgin að verða búin og framundan er enn ein vikan......ég ilma eins og Bláa lónið.

....later!!

Bannfærð

Það er ekki öll vitleysan eins. Það er ekki oft sem maður heyrir þetta orð í dag, enda var þessi verknaður numin úr íslenskum lögum árið 1782. Í mínum huga verður til smá drama þegar ég heyri orðið bannfæring, einhver gerði eitthvað svo hræðilegt að hann eða hún var bannfærður. Að vera bannfærður hefur svo hræðilegar afleiðingar á líf þess sem ber þennan titil með sér. Ég fletti upp merkingu orðsins og komst af því að ég var ekki með réttan skilning á þessu öllu. Ég hélt að sá sem væri bannfærður yrði að fara úr landi og væri ef hann kæmi aftur réttdræpur, svona eins og gerist í Fornsögunum.... En það var nú víst ekki alveg þannig.

Bannfæring er í raun kirkjuleg refsing sem bannar iðrunarlausum syndurum að taka þátt í samfélagi kirkjunnar. Sem sagt þýðir þetta að sá bannfærði má ekki fara í messu. Kannski ekki svo mikil refsing á okkar tímum en var án vafa hræðilegt á biblíutímunum sautján hundruð og súrkál. Bannfæring er náttúrulega ekki dottinn algjörlega úr gildi. Páfi hefur ennþá vald til að bannfæra, hann getur meira að segja bannfært heilt hérað eða land þannig að meðan þessi bannfæring stendur yfir má ekki iðka neinar trúarlegar athafnir þar.

Anyways ástæðan fyrir þessum undarlegu skrifum er eins og stundum áður fyrirsögn í blaði. Ekki að ég sé að gagnrýna fjölmiðla eða yfirlesara eða aðra sem iðka það að skrifa á miðla sem fólk getur lesið. Heldur hitt að þessi fyrirsögn vakti athygli mína í morgun þegar ég las blaðið og ég bara varð að skrifa um hana.

Nú í blaðinu er sagt frá því að Paris Hilton hefur verið bannfærð úr Óskarspartýum. Samkvæmt skilgreiningu orðabókarinnar má Paris sem er iðrunarlaus syndari því ekki taka þátt í samfélagi Óskars. Aumingja Paris, hún æddi víst inn í messu Óskars með nefið upp í loft og borgaði ekki í safnbaukinn þær 250 krónur sem hún átti að borga!!! En greyið bannfærða iðrunarlausa Paris er samt að reyna að bæta sig og er búin að lauma 1000 krónum í baukinn og vonar að kannski fái hún að njóta samvista við Óskar að ári.

Nú ku þetta allt vera í höndum páfa eða Elton John eins og hann heitir í Hollywood!!!!

Góðar stundir.

Fyndið?

Ég myndi gefa mikið til að sjá:

Risa á pinnahælum.
Össur í ballet.
Guggu vinkonu með skegg.
Ingu vinkonu 165 cm háa.
Bubba á Idol áheyrendaprufu.
Köttinn með bleyju.
Pabba minn baka köku.
Halastjörnur og norðurljós.
....og síðast en ekki síst sjálfa mig ástfangna aftur :)

Góðar stundir.

Before and after!!!!

Loksins koma hér myndir af eldhúsinu fyrir og eftir sprautun. Loksins fór Janus í Kringluna og lét setja myndirnar á disk. Ég er búin að ætla að gera það síðustu fjóra mánuði...úfff hvar er hægt að sækja um lengri sólarhring. Svona er flottasta eldhúsið sunnan Alpafjalla.

Svona var eldhúsið fyrir innrás Janusar hins bláa!!!



Ég ætla ekki að byrja enn eina færsluna á að tala um veðrið, enda ekki fyrir venjulegt fólk að fylgjast með þeim breytingum. Helgin búin og svei mér þá ef þetta var ekki bara hin rólegasta slökun. Fór reyndar aðeins út á föstudaginn, bara svona til að sýna góðan vilja. Síðan hef ég horft á ótrúlega mikið af dvd. Er búin að undirbúa klukku-tíma þ.e. 8 kennslustundir þar sem ég ætla að kenna á klukku...það er nú meira en að segja það. Sekúndur verða að mínútum, mínútur verða að korteri, hálftíma, klukkutíma, klukkutímar að sólarhring og sólarhringar að viku, mánuðum og árum. Það er vonandi að blessuð börnin hafi gott af þessari helgarvinnu.

Það þarf ekki lengur að fara niður í bæ á laugardagskvöldi til að sjá fólk sýna kögglana. Nei, nei við getum bara horft á myndir frá Alþingi...fyrr skal ég dauður liggja en að borga fyrir vatnið mitt. Ef það er ekki í sjónvarpinu getur maður lesið það á heinum ýmsustu bloggsíðum stjórnmálamanna.

Verðlaun dagsins hlýtur Íslandsbanki fyrir að vera fyrsta peningafyrirtæki Íslands sem ekki kaus að skíra sig group. Glitnir heitir þessi nýi banki. Til hamingju Íslandsbanki fyrir að sýna meiri frumleika heldur en mörg önnur íslensk fyrirtæki með útþrá.

...og svo áfram!!

Í ræktinni er fleira að sjá en vöðvatröll með samfarasvip.

Í ræktinni breytast viðmiðin. Upphafsmarkmiðið var að komast tvo kílómetra, eftir það varð markmiðið að komast tvo kílómetra hlaupandi, næsta markmið var að hlaupa tvo kílómetra á 8.0 og svo að hlaupa tvo kílómetra á 8,5 svo urðu það tveir kílómetrar á 9.0 og í dag er markmiðið að komast þessa tvo kílómetra á 10. Eftir það er mátulegt að lengja vegalengdina og byrja upp á nýtt. Ég komst líka af því að ég er alveg hryllilega hallærisleg. Mér líkar ekki tónlistarstöðvarnar sem í boði eru. Ég reyndi að fara með litla útvarpið mitt en það nær ekki neinni rás inni í þessu gímaldi sem heitir Egilshöll. Ég fór því bara með litla ferðageislaspilarann minn....og það er sko ekki inn. Núna er það Ipod eða gsm-sími sem notað er að til að hlusta á tónlist í þessum aðstæðum. Mér leið eins og ég væri með Motorola farsíma með snúru! Ég segi því bara það sem ég hugsa.....mig langar í Ipod.

Ég fór reyndar í Body pump tíma áðan og líkaði það vel. Gott ef það eru ekki nokkur myndarleg vöðvatröll í þessum tímum...including myself :)

Brúðkaupsþátturinn Já er að fara af stað enn eitt sumarið. Skyldi stjórnandinn ekki verða leið á því að eyða öllum sumrum í að fara í brúðkaupsveislur hjá fólki sem hún þekkir ekki. Þetta var umræðan á kennarastofunni í dag, í bland við Lífsstykkjabúðina. Þar var líka sagt frá hjónum sem héldu þetta massíva öskubuskubrúðkaup en frá því var sýnt í fyrsta þættinum í fyrstu seríunni. Það er svo sem ekki í frásögur færandi nema að hjónin voru skilin eftir þrjár vikur og enn í dag er þetta brúðkaup notað til að auglýsa hin fullkomnu draumabrúðkaup. Sorglegt finnst ykkur ekki??? Ekki myndi ég vilja horfa upp á þetta aftur og aftur.

Ég er að fá gesti frá Ameríkunni til mín um næstu helgi, þau ætla sofa í sófanum í alveg fimm daga, það verður ábyggilega skemmtilegt að gerast fararstjóri um landið mitt eins og þau gerðu með landið sitt síðasta sumar.

Sendi kveðjur til FSu. manna sem duttu út úr Gettu betur í kveld. Það hafði ekki áhrif að ég æpti á skjáinn og léti öllum illum látum fyrir framan hann. Það gekk víst ekki. Þrátt fyrir að alla vega einn af þessum FSu. herramönnum væri af sérstaklega góðum ættum...veslingar höfðu það í þetta sinn. En við munum sjá okkar menn tvíelfda að ári.

Pumpa!

Þegar ég heyrði orðið pumpa dettur mér í hug svarta pumpan á rauða Trumpf hjólinu mínu. Í ræktinni hefur orðið pumpa allt aðra meiningu. Það er orð notað á meðal boltana sem stunda það að lyfta þungum lóðum í fáum endurtekningunum. Ég hef aldrei skilið þessa pumpu-lyftingar. Enda hef ég aldrei skilið þessa þörf hjá fólki að líta út eins og uppblásin Michelin-maður. Stundum langar mig að benda þessu gaurum á að þeir myndu fá helmingi meira út úr pumpunum með því að pumpa helmingi hægar....hægt er alltaf betra...mmmm!!

Svo ég tali nú ekki um samfarasvipinn. Þegar maður pumpar svona mikið er það bara vont meðan á því stendur og því alveg stórmerkilegt að pumpararnir gangi um með þennan "sársaukasvip" á andlitinu í tíma og ótíma. Og hvað með göngulagið, það er eins og þeir gangi með trumpf pumpuna mína á milli hnjánna....hmmm!!!

Ég var samt ánægð með pumparann sem kom í ræktina, gekk í fimm mínútur á brettinu við hliðina á mér. Fór svo og pumpaði með lóðum samtals gerði hann 9 æfingar, sex endurtekningar á hverri æfingu, samtals 54 pumpur. Svo kom hann aftur á brettið við hliðina á mér því ég var ekki búin með mínar tuttugu mínútur. Þar eyddi hann óratíma í að stilla brettið eftir kúnstarinnar reglum, setti það af stað, gekk í eina mínútu og fimmtíu og sjö sekúndur og þá hringdi gemsinn hans og þar með var hann farinn. En góður árangur á ekki nema 15 mínútum...til hamingju með þetta.

Í tilfefni dagsins

Ég hef aldrei fundið skýringu á því hvers vegna minningagreinar í Morgunblaðinu höfða svona til mín. Það er eitthvað við þessi skrif sem tilfinningaboltinn Janus fílar. Það er ekki hægt að fá betri lýsingu á þeim manneskjum sem eru að kveðja þennan heim heldur en úr minningargreinum. Ég skrapp á Selfoss í dag og komst aðeins í Moggann. Það er alltaf sorglegt að lesa minningargreinar þá sérstaklega þegar ungt fólk fellur frá. Ég hef í gegnum tíðina klippt út úr blöðunum það sem setur tilfinningar mínar í hnút og skrifað það í grænu bókina mína.

Í einni af minningargreinunum þessa vikuna var að finna afskaplega fallegt ljóð sem fjallar um vináttu og þó svo þarna sé minnst á dauðann get ég ekki annað en sýnt ykkur þetta ljóð. Látum það minna okkur á það mikilvægasta í þessum heimi.

Í grenndinni veit ég um vin, sem ég á,
í víðáttu stórborgarinnar.
En dagarnir æða mér óðfluga frá,
og árin án vitundar minnar.

Dapurleg skilaboð dag einn ég fékk,
að dáinn sé vinurinn kæri.
Ég óskaði þess, er að gröf hans ég gekk,
að í grenndinni ennþá hann væri.

Sjálfur, ef vin þú átt góðan í grennd,
gleymd ekki hvað sem á dynur,
að albesta sending af himnum send,
er sannlægur og einlægur vinur.

Það var fallegur dagur í dag.

PLEHHH

Ég fór á mjög leiðinlega bíómynd í gærkvöldi, ekki oft sem helmingurinn af salnum stingur af áður en myndinni lýkur og þetta var ekki einu sinni íslensk mynd :)

Ég fór líka að borða á Vegamótum í gærkvöldi í góðum félagsskap, það er alveg magnað hvað maturinn á Vegamótum er alltaf einstaklega vel heppnaður.

Ég pantaði mér dót á Amazon áðan.

Ég fór í smokka-mó áðan. Ef einhver vill fá nánari útskýringu á því hvað þetta þýðir verða þær lýsingar að koma munnlega....því þó fréttamaðurinn segi það þá læt ég ekki alveg allt flakka!!!

Ég fór að lyfta áðan og svei mér þá ef handleggirnir munu ekki detta af innan skamms. Það er mikilvægt að vera fallegur og það er mjög mikilvægt að vera massaður.....! Biblían!

Ég las Hér og nú í Nóatúni áðan og komst af því að Ingó og Jenný séu bara vinir, hahaha fólk virðist halda að það séu bara fimm hús á Selfossi og þar sem bæði þessi búa á Selfossi þá hljóti þau að vera par....soldið halló!

Þessa helgi lagði ég hart að mér við að plana þannig að ég þyrfti ekki að gera neitt, og það tókst, svo um helgina ætla ég að gera hreinlega ekki neitt :)

Good night and good luck!!

Próf, próf!!

You scored as Journalism. You are an aspiring journalist, and you should major in journalism! Like me, you are passionate about writing and expressing yourself, and you want the world to understand your beliefs through writing. Journalism 100% Art 67% Psychology 67% Mathematics 58% English 58% Sociology 58% Theater 58% Philosophy 50% Dance 42% Linguistics 42% Anthropology 33% Engineering 33% Biology 33% Chemistry 0% What is your Perfect Major? (PLEASE RATE ME!!<3) created with QuizFarm.com

Fannst þetta fyndið....Það sem ég var með 0% var Soffía með 100%.....gaman að þessu!

Áfram

Sá ótrúlega skemmtilegt skemmtiatriði. Atriðið var tískusýning..hattasýning! Það voru sextán tegundir af höttum og það besta var að þeir sem sýndu hattana voru af 16 mismunandi uppruna...Þetta voru hattar fyrir stór höfuð, lítil höfuð, mjó höfuð, feit höfuð, gáfuð höfuð, heimsk höfuð og höfuð með höfuðverk.....hver hattur fékk svo flotta útskýringu á um það bil fjórum tungumálum.

Ert þú íslenskt spurði asíski strákurinn stelpuna frá Afríku. Já sagði stelpan frá Afríku ég tala íslensku og á heima á Íslandi og ég er íslensk. Ert þú íslenskur spurði stelpan á móti? Ja sko ég fæddist ekki á Íslandi og ég er með svona svart hár en ég er samt íslenskur og ég kann íslensku. Já, já var á ráðstefnu með rúmlega 600 kennurum og það besta við hana var þetta frábæra upphafsatriði.

Fór ekki í orkuna í dag, enda ekki úr mikilli orku að moða eftir að hafa setið á rassinum í allan dag. Hvernig er hægt að vinna svona á rassinum vinnu. Ég var nú eiginlega bara búin á því. Svo er víst martröð kennarans á morgun....dagur foreldranna.

Er að fara í bíó á morgun, en ein myndin sem ég fæ að fara ókeypis á....hahahahaha!! Þessi mynd heitir The new world!!! Segi ykkur seinna hvernig hún er.