Ohhhhh

Nú er blogger aftur í fýlu og því verður að lesa vara bloggið mitt fyrir nýjustu færslu!

..eftir helgina!

Ég tek ofan fyrir mömmunni á Húsavík sem hringdi í lögregluna og lét hana hirða bílinn af syni sínum sem hafði misst prófið einhverjum dögum áður fyrir of hraðan akstur. Bíllinn var á nafni mömmunnar og vildi hún með þessu taka allan vafa af því að strákurinn myndi keyra. Hún sagðist svo styðja það heilshugar að pjakkurinn missti prófið! Þetta myndi ég kalla ábyrga móðir. Aftur get ég sagt ykkur frá konu sem á dóttir á unglingsaldri nánar tiltekið busi í Framhaldsskóla. Ítrekað hefur verið kvartað undir partýstandi hjá ungu stúlkunni en alltaf er það þannig um helgar að hún er skilin eftir ein heima yfir helgi. Ekki það að það angri mig neitt sérstaklega enda sjaldnast heima sjálf um helgar. En partýstandið er alveg að fara með fólkið í blokkinni!

Minnir mig á það þegar ég bjó fyrir neðan fyllibyttuna á Barónstígnum, sem datt sjaldnast í það um helgar en oftar en ekki á virkum dögum. Oj hvað hann var mikil klígja!

Ég fór í fjallgöngu í dag og fékk meira að segja ekki blöðru á hælinn, svei mér þá að ég sé ekki farin að ganga til þessa gönguskó. Það var nú bara hraðbraut upp á fjallið í dag, góðan daginn það er bara blíða var frasinn minn í dag, berjablá og rjóð.

Ég óska Eyka frænda mínum og Margréti innilega til hamingju með barnið, stór og flottur strákur þar á ferð!

Svo fussar maður yfir stafsetningarvillum!

Cna yuo raed tihs? Olny 55 plepoe tuo fo 100 anc.

i cdnuolt blveiee taht I cluod aulaclty uesdnatnrd waht I was rdanieg. The phaonmneal pweor of the hmuan mnid, aoccdrnig to a rscheearch at Cmabrigde Uinervtisy, it dseno't mtaetr in waht oerdr the ltteres in a wrod are, the olny iproamtnt tihng is taht the frsit and lsat ltteer be in the rghit pclae. The rset can be a taotl mses and you can sitll raed it whotuit a pboerlm. Tihs is bcuseae the huamn mnid deos not raed ervey lteter by istlef, but the wrod as a wlohe. Azanmig huh? yaeh and I awlyas tghuhot slpeling was ipmorantt!

tkak fiyrr go bsles

Aulaverðlaun dagsins!

Ég ætla að skrifa um vinnuna í þessari færslu þó ekki um nein börn svo þetta er lestrarhæft hverjum sem er. Nú þannig er mál með vexti að skólinn sem ég er að vinna í er lítið útibú frá öðrum stærri þarna í Grafarholtinu. Í skólanum fylgjum við annarri stefnu heldur en flestir þekkja. Eitt af því sem við gerum er að búta alla stærðfræði niður í margar smærri einingar og setjum inn alls konar efni til að dýpka skilning á einstökum þáttum. Þetta aukaefni er geymt skýrt og skilmerkilega í möppu inni á kennaraherbergi sem við ljósritum svo úr svo allir hafi verkefni við sitt hæfi.

Einhvern vegin gerðist það undir vor að frumrita mappann á kennaraherberginu fór að ruglast, svo erfitt var að sjá nákvæmlega hvernig og hvenær átti að nota tiltekið efni. Janus ákvað því að taka til sinna ráða og fékk lánaða frumrita möppuna sem til var í stóra útibúinu og til að vera alveg viss að allt yrði rétt, byrjaði Janus á því að henda öllum blöðunum og bókunum sem til voru í gömlu "rugluðu" möppunni. Svo eyddi Janus nokkrum tímum í það að ljósrita ný verkefni og raða þeim fallega í nýja möppu. Var bara svona þokkalegur sáttur með þetta og hafði fyrir vikið mikið betri yfirsýn yfir það sem til var. Eftir þetta var möppunni úr stóra skólanum skilað og Janus setti sína möppu upp í hillu.

Ég fékk því meira en pínulítið sjokk þegar ég fékk símtal þar sem kennari í stóra skólanum tjáði mér að þetta væri vitlaus mappa, það vantaði þetta og hitt í hana. Oh fuck, getið þið ímyndað ykkur hvernig þessi færsla kemur til með að enda??

Jú í þessari fínu skipulagningu tókst Janus að henda frumritamöppunni úr stóra skólanum og ljósrita svo upp sína gömlu "rugluðu" möppu.....og nú eru góð ráð dýr skal ég segja ykkur.... fuck!

Skemmtilegt

Sér einhver eitthvað athugavert við þetta?
Aumingja maðurinn á auglýsingastofunni
Hehehe!

Réttir

Ég fór í réttir í gær þar sem engar voru kindur. Þetta var mjög sérstök stemming og satt að segja tók maður ekkert sérstaklega eftir því að kindurnar vantaði. Það var gríðarlegur fjöldi fólks saman komin í einni bestu blíðunni í sumar eða haust. Margt var sér til gamans gert og ljóst að á svona samkundum eru kindurnar aukaatriði og aðalmálið er mannskepnan. Til að byrja með gekk maður um og heilsaði kunningum og öðrum. Svo var sungið, kosið í lið í bændaglímu, veitt verðlaun í bændaglímu, sungið meira, horft á hestauppboð, ég var meira að segja næstum búin að kaupa hest fyrir 10.000 sem hefði verið herramanns matur í vetur :) svo var boðin upp ein kvíga sem efnileg er í fjósinu. Sungið meira, maður er manns gaman. Svo var farið heim í réttarsúpu, sungið meira og sólskinið sleikt. Eftir þetta var upplagt að leggja sig. Svo keyrði ég fólkið mitt af bænum á réttarball í fjórum ferðum og aftur heim þegar því var lokið. Sniglaðist svo upp Grímsnesið um miðja nótt í ausandi, beljandi, ógeðisrigningu.

Skemmtilegur dagur og pfffff hver þarf kindur?

Falleg lína

Vertu alltaf hress í huga,
hvað sem kann að mæta þér.
Lát ei sorg né böl þig buga,
baggi margra þyngri er.

Vertu sanngjarn, vertu mildur,
vægðu þeim sem mót þér braut.
Bið þinn guð um hreinna hjarta,
hjálp í lífsins vanda og þraut.

Treystu því að þér á herðar,
þyngri byrði ei varpað er.
En þú hefur afl að bera,
orka blundar, næg er þér.

Þerraðu kinnar, þess er grætur,
þvoðu kaun hins særða manns.
Sendu inn í sérhvert hjarta,
sólargeisla kærleikans.

Ímyndunarleikur

Þið skulið ímynda ykkur að þið séuð að fara á stefnumót. Þið klæðið ykkur upp fyrir mótið í nýju fötunum sem þið keyptuð í Kringlunni, þið farið jafnvel og látið fixa á ykkur hárið og make up-ið og svo framvegis. Loksins líður að stefnumótinu og þið hittið félaga ykkar á fjölförnum veitingastað í miðbæ Reykjavíkur. Þið pantið ykkur mat og fáið ykkur rauðvín með. Þegar forrétturinn kemur á borið takið þið eftir því að það eru litlir vatnspollar á gólfinu. Þið spáið ekki mikið í það, haldið kannski að einver hafi bara hellt niður. Þegar aðalrétturinn kemur á borðið er vatnsyfirborðið á gólfinu búið að hækka nokkuð svo mikið að þið eruð farin að standa í polli, en þar sem þið eruð í skóm spáið þið ekki mikið í það, og það gerir heldur enginn annar á veitingahúsinu.

Nú þegar þið eruð búin að kyngja síðustu bitunum af aðalréttinum getið þið ekki lengur orða bundist og ákveðið að spyrja hvað sé eiginlega með allt þetta vatn? Þjónninn segir með bros á vör...æ þetta er ekkert alvarlegt það var bara einhver sem var að leika sér af því að stífla klósettið með því að troða klósettrúllu ofan í það. Svo bætir þjónninn við, við vorum að hugsa um að loka en svo sáum við að allir voru að njóta matarins svo mikið að við ákváðum bara að láta þetta vera. En ef þetta angrar ykkur skal ég lána ykkur skúringagræjur og þið getið þrifið þetta upp áður en þið fáið eftirréttinn!!

Spurt er: mynduð þið vilja borða á þessu veitingahúsi? og til að árétta þetta, þá gerðist þetta á skemmtistað reyndar ekki veitingastað í miðborginni um síðustu helgi og eigendur sáu ekki ástæðu til að gera neitt í málunum þó staðurinn færi á flot. Mynduð þið vilja skemmta ykkur þar?

Fréttir á blaði

Ég dreif mig í ræktina í morgun, klukkan sex núll núll. Stefnan var tekin á Orkuverið í tíma sem heitir Body camp sem er það sama og herþjálfun. Ég er svo sem ekkert í slæmu formi eftir sumarið, búin að heimsækja fjöll og dali reglulega og skokka þess á milli. En guð minn góður...ég held ég sé með harðssperrur ALLS STAÐAR og ég er ekki ennþá farin að sofa, ég þarf því ábyggilega góða hjálp í fyrramálið við að komast fram úr bælinu, ef ég kemst þá fram úr bælinu!¨

Hræðilegasta fyrirsögn sem sett hefur verið á forsíðu dagsblaðs....Langaði að prófa að drepa mann....hræðilegt, hræðilegt, hræðilegt og hvað er hægt að gera til að gera það enn verra...jú vísa í frétt frá nítján hundruð sjötíu og eitthvað þar sem annar maður hafði prófað þetta líka!!!

Er ekki allt í lagi?

Þá vitum við það

Materazzi sagðist frekar vilja fá systur Zidane en treyjuna hans. Fyrir þessa athugasemd stangaði Zidane kappann eins og naut í nautaati og hlaut að launum rauða spjaldið eins og frægt er orðið. Auðvitað átti Materazzi að sýna meiri þroska en það að draga systur Zidans inn á fótboltavölinn, en ætti leikreyndur fótboltamaður eins og Zidane að vera búin að læra að láta svona vitleysu ekki koma sér úr jafnvægi? Hvað finnst ykkur? Leiðinlegt að þessi klári og sexí fótboltamaður skyldi hafa kosið að láta skapið ráða í þessum lokaleik sínum.

Lögreglan var kölluð að húsi þar sem tvær 12 og 13 ára píur voru að ríða rækjum.... svona fór það: „Lögreglan hugðist koma stúlkunum til síns heima en þær brugðust ókvæða við og var þá afráðið að flytja þær á lögreglustöð. Á leiðinni þangað hótuðu þær lögreglumönnum öllu illu og viðhöfðu svívirðingar sem ekki er hægt að hafa eftir. Lögreglumenn eru ýmsu vanir en þarna keyrði um þverbak enda var munnsöfnuður stúlknanna óhugnanlegur. Í framhaldinu var haft samband við forráðamenn þeirra sem komu og sóttu stúlkurnar," að því er segir á vef lögreglunnar. Eitt orð: EFNILEGAR!!!

Heyrðuð þið um strákana sem ætluðu að stela síma af manninum í útlöndum? Gaurarnir þrír urðu að láta í minni pokann því þeir réðust ekki á neina "kellingu" heldur var það meistari í kickboxi og karate! Hahaha gott á þá!

Tókuð þið eftir tunglingu í gærkvöldi? Það var mergjað!!

Hvernig á að láta að segja sér upp!!

- byrjaðu á því að kalla kærastan þinn röngu nafni og passaðu að ranga nafnið sé alltaf nafn á einhverjum fyrrverandi.
- segðu söguna af hræðilega fótsveppinum sem þú ert búin að vera með í mörg ár, að hann sé bráðsmitandi og illa lyktandi.
- sendu kærastanum "óvart" sms og láttu standa í því: ég vona að hann vilji bara vera heima ég nenni ekki að hlusta á hann allt kvöldið.
- hættu að fara í sturtu og hættu að skipta á rúminu þínu.
- daðraðu, daðraðu og daðraðu við allt sem hreyfist meira að segja búðamanninn, bensínmanninn, leigubílstjórann og svo framvegis.
- gerðu eins og ungfrú Ísland!
- liggðu eins og skata í rúminu og láttu hann hafa fyrir öllu.

...hver vill vera kærastinn minn svo ég geti prófað þetta :)

Rockstar

Ég held að það hafi bara ekki verið atkvæðin frá Íslendingum sem hjálpuðu Magna að lenda í efsta sæti, það hefur þurft meira til. Ég held að þetta hafi mest verið samúðaratkvæði frá Könum sem fannst það stórmál að Dilana skyldi "skera hann".

Þetta sagði einn bloggari um síðusta þátt af Rockstar þar sem Magni stóð sig ágætlega. Auðvitað vitum við öll að það hefur nú þurft talsvert meira en Íslendinga sem saman eru jafnmargir og lítið sveitaþorp í henni Ameríku. Með því að þeir mörgu sem vöktu þarna um nóttina sendu aftur og aftur skeyti hafa Íslendinga kannski orðið eins og lítið úthverfi í New York. En hvers vegna stóð þá á því að Magni var sá eini sem sat eftir meðal þessara snillinga? Kannski var þetta út af samúð eins og þessi ameríski bloggari stakk upp á. Það getur svo sem vel verið að það hafi haft áhrif, hver veit hvað Kananum dettur í hug. Á einni amerískri síðu las ég meira að segja pistil um það að Magni gæti farið í mál við Dilönu því þetta hefði verið árás...úúúúú!!

Hvað sem öllu öðru líður varð litli Íslendingurinn efstur þessa vikuna og allir ættu að vera stoltir af því. Ég vona nú samt að Magni vinni ekki þessa keppni því mér líst ekkert á þessa fíra í þessu bandi. Held hann væri flottari með sólóferil í Ameríkunni, þar myndi ég vilja heyra til hans. Held að það verði ekki mikið um Á móti sól þegar heim er komið.

Hér til gamans getið þið lesið bloggið hjá hallærislega, kann ekki að hneppa tölum, Dave Nevaro en það finnst á www.6767.com en þar segir han sína skoðun á málunum þ.e. Magni er góður en vantar samt x-factorinn sem Lukas og Dilana hafa.....ég segi því bara áfram Magni með Lukas í bakhöndinni :)